Ռուսաստանը պնդում է՝ անցյալ տարի ավարտել է իր քիմիական զինանոցի վերացումը
Ի պատասխան ԱՄՆ նոր պահանջի, որպեսզի Ռուսաստանը թույլ տա քիմիական զենքի տեսուչների մուտքը երկիր նախկին ռուս լրտես Սերգեյ Սկրիպալի և նրա դստեր թունավորման հետ կապված, Ռուսաստանը պնդել է, որ արդեն անցյալ տարի ավարտել է իր քիմիական զինանոցի վերացումը։
Ռուսաստանն իր քիմիական զինանոցը վերացրեց «խիստ միջազգային վերահսկողության ներքո` համաձայն Քիմիական զենքի կոնվենցիայի», ասվում է Ռուսաստանի արտգործնախարարության օգոստոսի 13-ի հայտարարությունում:
Նախարարությունը հայտարարել է, որ այժմ ոչ թե Ռուսաստանն է, այլ Ամերիկայի Միացյալ Նահանգներն է «Քիմիական զենքի կոնվենցիայի միակ մասնակիցը, որոնք ունեն ռազմական նշանակության թունավոր նյութերի զգալի պաշարներ»:
Ռուսաստանի ռազմական հետախուզության նախկին աշխատակից Սերգեյ Սկրիպալն ու նրա դուստրը՝ Յուլիան, անգիտակից վիճակում Սոլսբերիում հայտնաբերվել էին այս տարվա մարտի 4-ին: Երկարատև բուժումից հետո բժիշկներին հաջողվեց փրկել նրանց կյանքը: Սկրիպալները դուրս են գրվել հիվանդանոցից, բայց նրանց գտնվելու վայրը գաղտնի է պահվում:
Պաշտոնական Լոնդոնը հայտարարում է, որ Սկրիպալների թունավորման ետևում կանգնած է Կրեմլը, քանի որ թունավորման համար օգտագործվել է ԽՍՀՄ-ում ստեղծված «Նովիչոկ» նյութը: Մոսկվան հերքում է մեղադրանքները:
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Տավուշում ոչ մի գազատար չի կառուցվել, նման գործընթաց չկա. մարզպետ
Ուկրաինացի բժիշկները ռազմագերիների վիրահատություններ են կատարել առանց անզգայացման
Հայ-վրացական գազատարը Հայաստանի խնդրանքով կտեղափոխվի
2026-ը կարևոր տարի է 6G և խելացի համակարգերի համար
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Իրանում պատերազմը Հնդկաստանին կանգնեցրել է գազային ճգնաժամի առաջ
Ազգային ժողովը շարունակում է իր քառօրյա նիստերի աշխատանքը (տեսանյութ)
ԱՄՆ-ը և Իսրայելը Իրանի արտգործնախարարին հանել են թիրախային ցուցակից
Պուտինն ապրիլի 1-ից արգելել է Ռուսաստանից դեպի ԵԱՏՄ երկրներ 100 հազար դոլարից ավելի կանխիկ գումարի ա...