Փաշինյան․ Նրանք, ովքեր ընտրակաշառք կբաժանեն՝ բռնվելու են եւ դատվելու են
«Ընտրակաշառքով ընտրություններ անողները բոլորը բռնվելու ու դատվելու են, հետո չասեք՝ քաղաքական հետապնդում է», - շաբաթ օրը Իջևանում քաղաքի և հարակից գյուղերի բնակիչների հետ հանդիպման ժամանակ հայտարարեց վարչապետ Նիկոլ Փաշինյանը:
«Հայաստանի Հանրապետությունում պետք է բացառվի ընտրակաշառքով ընտրելը: Ով որ ընտրակաշառքով ձայն է տալիս, նա քանդում է իր երեխայի ապագան»», - ասաց Փաշինյանը՝ շարունակելով․ - «Բայց, տեսեք խնդիրը՝ Հայաստանում բոլոր ընտրակաշառք տվողները բռնվելու են և դատվելու են, հետո չասեք, թե վայ, քաղաքական հետապնդում է, բոլորը բռնվելու են և դատվելու են»:
«Բայց խոսքը սրա մասին չէ, խոսքը նրա մասին է, որ պետք է քաղաքացին չթողնի, որ դրանք շեմքից ներս մտնեն: Փողով ընտրություն առնողները պետք է դուրս մղվեն քաղաքականությունից ընդհանրապես, որովհետև փողով ընտրություն կատարելով, մի կիլո բրնձով ընտրություն կատարելով դուք էդ մարդկանց լիազորում եք, որ ձեզ թալանեն: Մի՛ թույլ տվեք, որ ձեզ թալանեն», - շեշտեց վարչապետը:
«Ես նախկինում էլ ասել եմ, Ազգային ժողովի ամբիոնից տասնյակ անգամ ասել եմ, որ իշխանությանը ձեռնտու է, որ Հայաստանում բնակչությունը լինի աղքատ: Ինչու է ձեռնտու՝ որովհետև եթե մարդը աղքատ չի, 5 հազար, 10 հազար դրամ ընտրակաշառքով իրեն չես շահագրգռի, 5 հազար, 10 հազարով հնարավոր է շահագրգռել նրան, ով աղքատ է: Եվ իշխանությունը, այո, իշխանությունը, օլիգարխիան, մարդկանց պահել են աղքատության մեջ, որ վերջում քիչ փող ծախսեն ընտրության վրա և էդ ծախսածն էլ արդյունավետ լինի: Եվ սա եղել է պետական քաղաքականություն», - հայտարարեց Նիկոլ Փաշինյանը:
«Ես ասում եմ, որ մենք մտածում ենք, որ ոչ թե քաջալերենք աղքատությունը, մարդկանց քաջալերենք, որ նրանք շարունակեն աղքատ մնալ, այլ քաջալերենք, որ նրանք աշխատեն, և հաղթահարենք մենք իրար հետ աղքատությունը», - ասաց վարչապետը:
Այսօր Նիկոլ Փաշինյանի Տավուշի մարզ աշխատանքային այցի երկրորդ օրն է: Առավոտյան Ենոքավան համայնք այցելելուց հետո Իջևանում՝ Տավուշի մարզպետարանի շենքում, վարչապետը պատասխանեց քաղաքի և հարակից համայնքների բնակիչների մի շարք հարցերին:
Նախատեսվում է, որ օրվա ավարտին Փաշինյանը վերադառնալու է Երևան:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...