WADA-ն կարող է կոֆեինը ներառել արգելված նյութերի ցուցակում
Կոֆեինը կարող է 2018 թվականին ներառվել Միջազգային հակադոպինգային գործակալության (WADA) արգելված ցուցակում: Այս մասին լրագրողներին ասել է Բժշկա-կենսաբանական դաշնային գործակալության ղեկավար Վլադիմի Ույբան:
«WADA-ի սպասվող ցուցակում ներառված է նաեւ կոֆեինը: Եւ եթե այն մտնի արգելված ցուցակ, մենք պարզապես ստիպված կլինենք խորհուրդ տալ հրաժարվել սուրճից եւ կոֆեին պարունակող մյուս մթերքներից ու դեղամիջոցներից: Առայժմ այն ներառված չէ, բայց տեսականորեն դա կարող է տեղի ունենալ նաեւ այս տարի», - ասել է Ույբան:
WADA –ն ամեն տարի թարմացնում է արգելված պրեպարատների իր ցուցակը: 2015 թվականին ցուցակում ներառվել էր մելդֆոնի դեղամիջոցը, ինչից հետո Բժշկա-կենսաբանական դաշնային գործակալությունը դեղամիջոցի ֆարմակինետիկ ուսումնասիրություն էր սկսել: