Ադրբեջանում վախենում են երգչուհի Զառայից

Ադրբեջանական լրատվամիջոցներում, ինչպես նաև սոցկայքերում ակտիվ քննարկվում է ռուսական էստրադայի հայտնի ներկայացուցիչ Զառայի՝ այս ամռանը Բաքվում կայանալիք ելույթը, որը տեղի է ունենալու ամենամյա «Жара» երաժշտական փառատոնի շրջանակում:

Ինչպես նշում է rusarminfo.ru կայքը, մտահոգության պատճառն այն է, որ ծագումով եզդի Զառան (ազգանունը՝ Մգոյան), որն իր բոլոր համերգներին կատարում է հայկական «Դլե Յաման» երգը, կարող է այն երգել նաև Բաքվում:

Հայտնի է, որ երգչուհուն Բաքու է հրավիրել ռուսաստանաբնակ ադրբեջանցի միլիարդատեր Արազ Աղալարովի որդին՝ Էմինը, որը «Жара»-ի կազմակերպիչն է:

Ադրբեջանցի օգտատերերը Զառային Բաքու հրավիրելն ընկալել են որպես երկրի ազգային անվտանգությանն ուղղված սպառնալիք: