Արդյունահանող ճյուղերի թափանցիկության նախաձեռնությունը պետք է դադարեցնի Ադրբեջանի անդամակցությունը. Human Rights Watch

Արդյունահանող ճյուղերի թափանցիկության նախաձեռնությունը պետք է դադարեցնի այդ կառույցին Ադրբեջանի անդամակցությունը՝ բարեփոխումներ իրականացնել չկարողանալու համար: Այդ մասին ասված է կազմակերպությանն ուղղված նամակում, որը ստորագրել է 21 միջազգային կազմակերպություն՝ այդ թվում Human Rights Watch իրավապաշտպան կազմակերպությունը, գրում է contact.az-ը:

Նամակում նշվում է, որ Ադրբեջանն առաջընթաց չի գրանցել բարեփոխումների իրականացման հարցում, և կոչ է արվում դադարեցնել Ադրբեջանի անդամակցությունը:

Մարտի 8-9-ին կայանալիք կազմակերպության կառավարման խորհրդի նիստի ընթացքում կգնահատվեն Ադրբեջանի քայլերը, որոնք նա պետք է ձեռնարկի քաղաքացիական հասարակության դեմ բռնաճնշումները դադարեցնելու համար:

«Ադրբեջանի կառավարությունը ճնշում է գործադրել Արդյունահանող ճյուղերի թափանցիկության նախաձեռնության վրա՝ արհամարհելով բարեփոխումների անցկացման մասին նրա պահանջները և շարունակելով երկրի անկախ քաղաքացիական հասարակության կազմաքանդումը: Բազմաթիվ նախազգուշացումներից հետո Արդյունահանող ճյուղերի թափանցիկության նախաձեռնությունը պետք է դադարեցնի Ադրբեջանի հետագա մասնակցությունը՝ մինչև իշխանությունները չանեն լուրջ, կայուն փոփոխություններ՝ թույլ տալու համար ոչ կառավարական խմբերին ազատ գործել Ադրբեջանում»,- ասել է Human Rights Watch-ի Հարավային Կովկասի հարցերով նախագահ Գեորգի Գոգիանին:

Տնօրենների խորհրդի վերջին նիստի ժամանակ՝ 2016 թվականի հոկտեմբերին, Արդյունահանող ճյուղերի թափանցիկության նախաձեռնությունն Ադրբեջանին չորս ամիս է տվել իրավաբանական և բյուրոկրատական խոչընդոտները վերացնելու համար, որոնք խոչընդոտում են քաղաքացիական հասարակության մասնակցությանը:

Tert.am