Անդրիաս Ղուկասյանի բաց նամակը. պահանջեք միջազգային պատժամիջոցներ
Անդրիաս Ղուկասյանի բաց նամակը «Արդարությունը Հայաստանում» հայերի համաշխարհային կոալիցիային
Հարգելի հայրենակիցներ,
Հայաստանում մարդու իրավունքները խախտող պաշտոնյաների դեմ միջազգային անհատական պատժամիջոցներ կիրառելու պահանջ առաջ քաշելու հնարավորությունն այսօր գտնվում է «Արդարությունը Հայաստանում» հայերի համաշխարհային նախաձեռնության ձեռքում:
Դեռեւս 2013թ. ՀՀ մարդու իրավունքների պաշտպան Կարեն Անդրեասյանի հատուկ զեկույցը բացահայտեց դատական համակարգում տիրող անմխիթար վիճակը, իսկ 2014թ. սահմանադրական բարեփոխումների հանձնաժողովն իր առաջարկած հայեցակարգում փաստեց, որ Հայաստանում տապալված են սահմանադրական կարգի հիմքերը։ Պաշտոնական այդ փաստաթղթում մատնացույց արվեցին մարդու իրավունքները պաշտպանող եւ իշխանության չարաշահումը արգելող բազմաթիվ սահմանադրական նորմեր, որոնք կրում են դեկլարատիվ բնույթ եւ փաստացի չեն գործում։ Հայաստանի եւ միջազգային իրավապաշտպան կազմակերպություններին հայտնի են մեր երկում սահմանադրական կարգի տապալման եւ մարդու իրավունքների խախտման համար պատասխանատու պաշտոնատար անձանց ցանկն ու նրանց կատարած գործողությունները։ Խորհրդարանական ընտրություններին ընդառաջ, ԱՄՆ եւ Եվրոպական պետությունների կողմից այդ մարդկանց դեմ անհատական պատժամիջոցներ կիրառելն հաստատապես կզսպի ընտրությունների արդյունքը կեղծող թեկնածուներին։ Բնականաբար, պատժամիջոցներ կիրառելու պահանջը իրենց կառավարություններին կարող են ներկայացնել սփյուռքում ապրող` այդ պետությունների քաղաքացի հանդիսացող մեր հայրենակիցները։
Բարձր գնահատելով ձեր ազնիվ մղումը՝ սատար կանգնել Հայաստանում արդարադատության հաստատմանը, լիահույս եմ, որ միասին կարող ենք իրականացնել մեր ժողովրդի իղձը՝ ունենալ անկախ, ժողովրդավարական, իրավական եւ սոցիալական պետություն։
Անդրիաս Ղուկասյան
«Նուբարաշեն» ՔԿՀ
2 մարտի, 2017թ․
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...