Օրենքը չի արգելում մարդկանց կենդանիներ պահել. Սիլվա Ադամյան
Հայաստանի տարածքում մեծ քանակությամբ կենդանիներ կան անազատության մեջ, որոնց մեծ մասը մասնավոր հավաքածուներում են: Այսօր այս մասին լրագրողների հետ հանդիպմանը հայտնեց «Թռչնասերների կենտրոն» հասարակական կազմակերպության ղեկավար Սիլվա Ադամյանը:
«Սա համատարած երևույթ է Հայաստանում, և քանի տարի է անընդհատ բարձրաձայնվում է այս խնդիրը: Բազմաթիվ նամակներին Բնապահպանության նախարարությունը պատասխանում է, որ չկա օրենք, որը կսահմանափակի մասնավոր անձերին կենդանիներ պահելը»:
«Փրո Փոուզ» կենդանապաշտպան բրիտանական կազմակերպության հայաստանյան ներկայացուցիչ Նարե Արամյանը նշում է, որ 20 տարի է՝ այդ մասին խոսվում է, և սա միակ ոլորտն է, որում ընդհանրապես առաջընթաց չի գրանցվել:
«Կենդանիների նկատմամբ պատասխանատու վերաբերմունքը մարդկային հասարակության առողջապահության և անվտանգության հիմնախնդիր է: Այն, որ մենք ունենք սրվող համաճարակային իրավիճակ,այն, որ ունենք ֆիզիկական անվտանգության խնդրի սրվող իրավիճակ հատկապես երեխաների ոլորտում՝ միանշանակ պետք է լինի Կառավարության անմիջական վերահսկողության ներքո»:
Նարե Արամյանը հավաստիացնում է, որ անազատության մեջ գտնվող վայրի կենդանիներին գրանցելու դեպքում խնդիրները կպակասեին:
«Եթե այսօր վայրի կենդանիները, հատկապես անազատության մեջ պահվող, մասնավորի մոտ վայրի կենդանիները լինեին գրանցված և վերահսկվող, մենք յուրաքանչյուրս կիմանայինք, թե այդ կենդանիները ինչով են սնվում, որովհետև այդ վայրի կենդանիներին չեն կերակրում նրանով, ինչը նախատեսված է զինվորի, երեխաների համար»:
Նարե Արամյանը հավելեց՝ Կառավարությունը տարիներ շարունակ հատուկ հղումներ է արել և խնդիրը բարդել առանձին նախարարությունների վրա, որպեսզի ոչինչ չանի, այս իրավիճակը հենց Կառավարությունն էլ պետք է շտկի:
Վիճակագրություն․ ի՞նչ փոփոխություններ է կրել ՀՀ ապրանքաշրջանառությունը տարբեր երկրների հետ
Հիտլերի ատրճանակը՝ 42 մլն դոլարով. «Երկրի վրա ամենաթանկարժեք զենքը» հայտնվել է աղմկահարույց դատական ...
4 մլրդ դոլարի ներդրում․ Հրազդանում բացվել է Firebird-ի ԱԲ կենտրոնը
Շիրակի մարզի որոշ հասցեներում գազ չի լինի
Հայաստանում ամառային հանգիստը որքանո՞վ է հասանելի միջին ընտանիքին
Արարատ Միրզոյանը հեռախոսազրույց է ունեցել Ուկրաինայի ԱԳ նախարարի հետ
Աբդոլլահին նշանակվել է Իրանի զինված ուժերի գլխավոր շտաբի պետ
Երիտասարդության միջազգային օրվա միջոցառումների ժամանակացույց
Վանաձորի մի շարք հասցեներում գազանջատումներ կլինեն
«Ուժեղ Հայաստանի» դեմքով Սերժ Սարգսյանը ներկայացված է ԱԺ դահլիճում. Տարոն Չախոյան