Բրազիլիան տհաճ անակնկալ մատուցեց իր երկրպագուներին

Աշխարհի առաջնության խմբային փուլի մեկնարկային կազմում Բրազիլիայի հավաքականը ոչ-ոքի է խաղացել Շվեյցարիայի հետ՝ 1:1:

Հանդիպման հաշիվը 20-րդ րոպեին հրաշալի հարվածով բացել է կատալոնական «Բարսելոնայի» բրազիլացի կիսապաշտպան Ֆիլիպե Կոուտինյոն: Առաջին խաղակեսն անցել է հարավամերիկացիների զգալի առավելությամբ:

50-րդ րոպեին անկյունային հարվածի խաղարկումից հետո պատասխան գոլի հեղինակ է դարձել Ստևեն Ցուբերը՝ գլխի հարվածով գրավելով Ալիսոնի դարպասը: Հանդիպման վերջնամասում բրազիլացիները մի քանի գոլային պահ են ունեցել, սակայն չեն կարողացել հաջողության հասնել:

Հիշեցնենք, որ խմբի մյուս խաղում Սերբիան նվազագույն հաշվով հաղթել է Կոստա Ռիկային:

Այս թեմայով Խորվաթիայի նախագահը ԱԱ-2018-ի, ուշացած անձրևանոցի ու իր փչացած սանրվածքի մասին Ֆրանսիայում դիմավորել են աշխարհի չեմպիոններին (Լուսանկարներ) Ֆրանսիան ցնծում է, Խորվաթիան տխրում Դեշանը՝ չեմպիոն-խաղացող և չեմպիոն-մարզիչ Աշխարհի առաջնության եզրափակիչը լուսանկարներով