Հայաստանի հավաքականը ոչ թե վատ, այլ շատ վատ է խաղում

Ավստրիայում ֆուտբոլի Հայաստանի հավաքականը ոչ-ոքի՝ 1:1 հաշվով ավարտեց ընկերական հանդիպումը Մալթայի ազգային թիմի հետ:

Հայաստանի հավաքականում մարզչափոխությունը, ինչպես երեւում է, որեւէ օգուտ չի տվել: Հայաստանի հավաքականը շարունակում է ոչ թե վատ, այլ շատ վատ խաղալ:

Խայտառակ խաղի մասին վկայում է ոչ միայն հաշիվը, այլ ցուցադրած խաղի որակը, չնայած մեծ հաշվով, այն ինչ կատարվում էր դաշտում խաղ դժվար է անվանել:

Եթե մեր հավաքականը հաջողացրեց 11 մետրոնոց հորինել եւ գոլ նվիրել Մալթային, որը որեւէ վտանգավոր պահ չստեղծեց, ապա սա վկայում է միայն խայտառակ խաղի մասին: Եթե Մալթայի նման հավաքականի հետ խաղում մեր պաշտպաններից Հարոյանը հաջողացնում է կարմիր քարտ ստանալ, իսկ Հենրիխ Մխիթարյանը փողոցային կռիվ է սարքում մալթացիներից մեկի հետ, ապա մեր հավաքականի գործերը ոչ թե վատ, այլ շատ վատ են:

Ի դեպ, Հենրիխ Մխիթարյանն ամբողջ խաղի ընթացքում ամեն ինչ արեց, որ գնդակը հնարավորին չափ քիչ իր մոտ հայտնվի, իսկ հայտնվելու դեպքում էլ հիմնականում սխալ կամ հետ փոխանցումներ էր անում:

Չկար մարզչական միտքմ չկար նվիրում: Տպավորություն էր, որ ֆուտբոլիստներին զենքի ուժով են խաղադաշտ մտցրել:

Ֆուտբոլանման խաղ մեր հավաքականը խաղաց մինչեւ առաջին գոլը, որը խփեց Իվան Յագանը, դրանից հետո դաշտում մենք տեսանք ամեն ինչ, բացի ֆուտբոլից:

Ընդգծենք, որ հայաստանյկան ոչ մի հեռուստաալիք այդպես էլ չցանկացավ ցուցադրել հավաքականի խաղը: Սա կամ վերաբերմունք է կամ բոյկոտ կամ ...

Արամ Սիմոնյան

Top-News.am