Ալեն Սիմոնյանի ավագանու լիազորություններն արդեն իսկ դադարեցված են
«Ելք» խմբակցության ավագանու անդամ Ալեն Սիմոնյանի ավագանու մանդատը վաղաժամկետ դադարեցնելու հարցը կքննարկվի Կենտրոնական ընտրական հանձնաժողովի առաջիկա նիստում։ Այս մասին այսօր՝ մայիսի 24-ին NEWS.am-ի հետ զրույցում հայտնել է Կենտրոնական ընտրական հանձնաժողովի նախագահ Տիգրան Մուկուչյանը։
«Նիստում կճշտենք կուսակցության հետ, արդյոք կա ընտրական հաջորդ համարի ինքնաբացարկների հետ կապված խնդիր, եւ հարցը կքննարկենք առաջիկա նիստում»,–նշել է նա։
ԿԸՀ նախագահի խոսքով՝ մանդատի դադարեցման գործառույթը թե՛ ԱԺ–ի պարագայում, թե՛ ավագանու պարագայում ԿԸՀ–ի գործառույթը չէ. «ԿԸՀ–ն նայում է, կա արձանագրություն, հերթական հաջորդ թեկնածուն ով է հանդիսանում, կան արդյոք ինքնաբացարկներ, եւ համապատասխան մանդատը տրամադրում է հերթական հաջորդ թեկնածուին»,–ընդգծեց Մուկուչյանը:
Հարցին, թե հնարավո՞ր է Ալեն Սիմոնյանը հասցնի հրաժարվել պատգամավորական մանդատից եւ պահպանել ավագանու լիազորությունները՝ Տիգրան Մուկուչյանը պատասխանեց, որ ավագանու անդամի լիազորությունները վաղաժամկետ դադարեցնելու արձանագրությունն արդեն կազմված է, իսկ ԿԸՀ–ն, հիմք ընդունելով այդ փաստաթուղթը, պետք է ընդամենը մանդատ տրամադրի հերթական հաջորդ թեկնածուին։
Նկատառմանը, որ փաստորեն Ալեն Սիմոնյանն արդեն իսկ զրկվա՞ծ է ավագանու լիազորություններից, ԿԸՀ–ի նախագահը հաստատեց. «Այո, իսկ ԿԸՀ–ն պետք է ընդամենը թափուր մնացած մանդատը տրամադրի մյուս թեկնածուին»։
Նշենք , որ այսօր՝ մայիսի 24-ին Երևանի քաղաքապետ Տարոն Մարգարյանը Կենտրոնական ընտրական հանձնաժողով արձանագրություն է ուղարկել՝ «Ելք» խմբակցության ավագանու անդամ Ալեն Սիմոնյանին ավագանու մանդատից վաղաժամկետ դադարեցնելու մասին:
Ալեն Սիմոնյանը ԱԺ պատգամավորական մանդատ էր ստացել օրեր առաջ՝ փոխարինելով ՀՀ վարչապետ Նիկոլ Փաշինյանին: Դրանից հետո, արդեն մայիսի 22–ին Ալեն Սիմոնյանը դիմում է ներկայացրել Ազգային ժողովի նախագահ Արա Բաբլոյանին՝ իր պատգամավորական լիազորությունները դադարեցնելու մասին:
Ըստ մամուլի տեղեկությունների, նա ցանկություն ունի մանդատը վայր դնելով մնալ Երեւանի ավագանու անդամ, ինչը թույլ կտա Տարոն Մարգարյանի հնարավոր հրաժարականի դեպքում՝ առաջադրվել քաղաքապետի թեկնածու:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...