Շարլ Ազնավուրը հետաձգել է համաշխարհային համերգային շրջագայության վերսկսման ամսաթիվը
Այսօր Շարլ Ազնավուրը տոնում է իր 94-րդ տարեդարձը։ Ի դեպ, բոլորիդ հրավիրում ենք Երևանում Ազնավուրի հրապարակ, որտեղ անկրկնելի Հայկ Պետրոսյանը ու բազմաթիվ այլ արտիստներ շնորհավորելու են մեծանուն շանսոնյեին։ Իսկ մինչ այդ, մենք Ձեզ հայտնում ենք, ավելի ճիշտ AFP-ն է հայտնում, իսկ մենք ընդամենը փոխանցում ենք, որ արտիստն առողջական վիճակի կապակցությամբ հետաձգել է իր համաշխարհային համերգային շրջագայության վերսկսման օրը մինչև հունիսի 30-ը։ Բժիշկները նրան խորհուրդ են տվել որոշ ժամանակ բեմ դուրս չգալ ու շարունակել բուժումը։
Ազնավուրը ստիպված է հրաժարվել Մոնակոյում իր ելույթից, որը ծրագրված էր հունիսի 5-ին, մասնակցությունը՝ Ֆրանսիայում «Ալունա» փառատոնին հունիսի 16-ին ու համերգն Իտալիայում՝ հունիսի 23-ին։
Ակնկալվում է, որ երգիչը բեմ կվերադառնա հունիսի 30-ին, նա այդ օրը համերգ ունի ծրագրված Լոնդոնում։ Դրանից հետո նա կշարունակի շրջագայությունը դեպի Իսպանիա, Գերմանիա, Խորվաթիա, Ճապոնիա, Ուկրաինա, Բելգիա ու Ֆրանսիայի մի շարք քաղաքներ։
Մայիսի 12-ին Ազնավուրն իր առանձնատանը, որը գտնվում է Ֆրանսիայի հարավում, ընկել է, կոտրել ձախ ուսի ոսկորը, ինչի հետևանքով նրան գիպս են դրել։ Վնասվածքի պատճառով շանսոնյեն ստիպված է եղել անորոշ ժամկետով հետաձգել մայիսին ծրագրված համերգները՝ Ճապոնիայում եւ Ուզբեկստանում։
Վիճակագրություն․ ի՞նչ փոփոխություններ է կրել ՀՀ ապրանքաշրջանառությունը տարբեր երկրների հետ
Հիտլերի ատրճանակը՝ 42 մլն դոլարով. «Երկրի վրա ամենաթանկարժեք զենքը» հայտնվել է աղմկահարույց դատական ...
4 մլրդ դոլարի ներդրում․ Հրազդանում բացվել է Firebird-ի ԱԲ կենտրոնը
Շիրակի մարզի որոշ հասցեներում գազ չի լինի
Հայաստանում ամառային հանգիստը որքանո՞վ է հասանելի միջին ընտանիքին
Արարատ Միրզոյանը հեռախոսազրույց է ունեցել Ուկրաինայի ԱԳ նախարարի հետ
Աբդոլլահին նշանակվել է Իրանի զինված ուժերի գլխավոր շտաբի պետ
Երիտասարդության միջազգային օրվա միջոցառումների ժամանակացույց
Վանաձորի մի շարք հասցեներում գազանջատումներ կլինեն
«Ուժեղ Հայաստանի» դեմքով Սերժ Սարգսյանը ներկայացված է ԱԺ դահլիճում. Տարոն Չախոյան