Սիրիահայերի մասին պատմող ֆիլմը լավագույն լիամետրաժ ֆիլմ է ճանաչվել
Սևաստոպոլում կայացել է «Победили вместе» («Հաղթել ենք միասին») վավերագրական ֆիլմերի ու հեռուստահաղորդումների XIV միջազգային փառատոնի փակման արարողությունը, գրում է ՏԱՍՍ գործակալությունը։
«Լավագույն լիամետրաժ ֆիլմ» է ճանաչվել կինովավերագրող Արմեն Խաչատրյանի «Վերջին ցանկություն»-ը (Հայաստան)։
Ինչպես նշում է rusarminfo.ru-ն, ֆիլմը պատմում է Սիրիայից քաղաքացիական պատերազմի պատճառով Հայաստան փախած սիրիահայերի մասին, նրանց հոգեբանական վիճակի, այնտեղ մնացած հարազատների ու ավերված տների հանդեպ կարոտի, ինչպես նաև նոր վայրում նոր կյանք սկսելու փորձերի մասին։
«Վերջին ցանկություն»-ը վավերագրական ֆիլմ-խոստովանություն է, որը մասնավորապես պատմում է պատերազմից փախած և Հայաստանում հանգրվանած երկու սիրիահայերի ճակատագրի մասին, որոնք գտնվում են ծանր նյութական և հոգեբանական վիճակում:
Նրանք թողել են այնտեղ իրենց ընտանիքների անդամներին, հարազատներին, բարեկամներին, ընկերներին:
Նշվում է, որ այս տարի փառատոնին ներկայացվել է ավելի քան 100 վավերագրական ֆիլմ ու սերիալ աշխարհի 30 երկրներից՝ այդ թվում Մեծ Բրիտանիայից, ԱՄՆ-ից ու Գերմանիայից։ Մրցութային ծրագրից բացի՝ փառատոնին ներկայացվել է նաև արտամրցութային մեծ ծրագիր, որը ներառել է ֆիլմերի ցուցադրություն, ստեղծագործական երեկոներ, այլ միջոցառումներ։
Վիճակագրություն․ ի՞նչ փոփոխություններ է կրել ՀՀ ապրանքաշրջանառությունը տարբեր երկրների հետ
Հիտլերի ատրճանակը՝ 42 մլն դոլարով. «Երկրի վրա ամենաթանկարժեք զենքը» հայտնվել է աղմկահարույց դատական ...
4 մլրդ դոլարի ներդրում․ Հրազդանում բացվել է Firebird-ի ԱԲ կենտրոնը
Շիրակի մարզի որոշ հասցեներում գազ չի լինի
Հայաստանում ամառային հանգիստը որքանո՞վ է հասանելի միջին ընտանիքին
Արարատ Միրզոյանը հեռախոսազրույց է ունեցել Ուկրաինայի ԱԳ նախարարի հետ
Աբդոլլահին նշանակվել է Իրանի զինված ուժերի գլխավոր շտաբի պետ
Երիտասարդության միջազգային օրվա միջոցառումների ժամանակացույց
Վանաձորի մի շարք հասցեներում գազանջատումներ կլինեն
«Ուժեղ Հայաստանի» դեմքով Սերժ Սարգսյանը ներկայացված է ԱԺ դահլիճում. Տարոն Չախոյան