«Ես իմ ներդրումը կունենամ, որպեսզի կառավարությունը հաջողության հասնի». Արմեն Սարգսյան
«Ես հույս ունեմ, որ վաղն ավելի լավ է լինելու և կառավարությունն իրեն արդարացնելու է», - այսօր Հաղթանակի զբոսայգում լրագրողների հետ ճեպազրույցում ասաց Հայաստանի նախագահ Արմեն Սարգսյանը։
Նախագահը նշեց, որ իր ներդրումը կունենա, որպեսզի կառավարությունը հաջողության հասնի։
«Ես կարծում եմ, որ Նիկոլ Փաշինյանը տաղանդավոր մարդ է, ես իր հետ շատ գործնական և հարգալից հարաբերություններ ունեմ, և իմ ներդրումը կունենամ և պետք է ունենամ, որպեսզի կառավարությունը հաջողության հասնի։ Հակառակ դեպքում անիմաստ է այս ամբողջ շարժումը, հակառակ դեպքում անիմաստ կլինի այն բոլոր հույսերը, որոնք ժողովուրդն ունի ապագայի հանդեպ։ Այնպես որ, ես հույս ունեմ, որ վաղն ավելի լավ է լինելու և կառավարությունն իրեն արդարացնելու է», - ասաց Սարգսյանը։
Լրագրողի հարցին, թե ինչպե՞ս կմեկնաբանի այն փաստը, որ իր թեկնածությունը նախագահի պաշտոնում առաջադրեց Սերժ Սարգսյանը, ում հասարակությունը մերժեց, Արմեն Սարգսյանը պատասխանեց. - «Իմ թեկնածությունն առաջադրել է երրորդ նախագահը։ Ես պատրաստ եմ, ծառայում եմ իմ երկրին, եթե լավ ծառայեմ, ուրեմն լավ նախագահ եմ, եթե լավ չծառայեմ, ուրեմն լավ նախագահ չեմ։ Նույն Ազգային ժողովը, որ ընտրել է ինձ, ընտրել է նաև պարոն Փաշինյանին, այնպես որ խնդիրը հետևյալը չի, թե ով առաջադրեց, ինչպես առաջադրեց, ով ընտրեց, այլ՝ կարողանալո՞ւ ենք արդյոք մենք բոլորս միասին մեր երկիրը դարձնել այն երկիրը, որ ձեզնից յուրաքանչյուրը՝ և՛ ես, և՛ ողջ մեր հայ ժողովուրդը երազում ենք և երազել ենք 26 տարվա ընթացքում»։
«Ազատության» հարցին, թե հայերի երազած երկիրը կառուցելու հնարավորություն այսօր տեսնո՞ւմ է, նախագահը պատասխանեց. - «Այո, իհարկե, եթե չտեսնեի, այստեղ չէի լինի»։
ԱԺ ընդդիմադիր «Ելք» խմբակցության ղեկավար Նիկոլ Փաշինյանը երեկ ընտրվեց Հայաստանի վարչապետ: Ազգային ժողովի հատուկ նիստում Փաշինյանի օգտին քվեարկեց 59, դեմ՝ 42 պատգամավոր:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...