Շարմազանովն ու Կոստանյանն ընդդեմ ժողովրդի եւ Կարապետյանի
Եւ կրկին ՀՀԿ-ում որեւէ հետեւություն չեն անում տեղի ունեցածից կամ ինչպես ասում են որեւէ դաս չեն քաղում: հազիվ է մի փոքր հանդարտվել իրավիճակը, մի խումբ խոհեմ մարդիկ, գործիչներ ջանքեր են գործադրում խաղաղ եւ հնարավորին չափ արդար հանգուցալուծում գտնելու համար, ՀՀկ-ական որոշ անխոնջ դեմքեր շարունակում են իրենց էշը քշել:
Այսօր Էդուրադ Շարմազանովն ասում է, թե ոչ Նիկոլ Փաշինյանը, ոչ էլ Կարեն Կարապետյանը չպետք է նախապայմաններ դնեն, ավելին, դիտարկումներ, առաջարկություններ է անում: Լավ, մի՞թե ՀՀԿ-ում չեն հասկանում, որ այսօր Էդուարդ Շարմազանովը չպետք է խոսի, չպետք է կարծիք հայտնի:
Իսկ ինչ պետք է աներ նա՝ Սերժ Սարգսյանի հրաժարականին պետք է հաջորդեր նրա հրաժարականը: Շարմազանովն ասում է, թե Հայաստանի համար թիվ մեկ խնդիրն արտաքին մարտահրավերներն են եւ անվտանգությունը, չգիտակցելով, որ Հայաստանի թիվ մարտահրավերն իր նման մտածողներն են, որոնք երկիրը հասցրին այս վիճակին:
Այսօր խոսում, կարծիք է հայտնում նաեւ նախկին գլխավոր դատախազ, խորհրդարանի պետաիրավական հանձնաժողովի նախագահ Գեւորգ Կոստանյանը: Ավելին, նա պնդում է, թե ոչինչ տեղի չի ունեցել, ոչ մի իշխանափոխություն էլ չի եղել: Մնում էր ավելացնել, թե Սերժ Սարգսյանի հրաժարականն իր համար եղած, թե չեղած մի հաշիվ է:
Ցավոք, ՀՀԿ-ում այդպես էլ չհասկացան, որ ժողովուրդը տասնյակ հազարներով փողոց դուրս եկավ ոչ միայն Սերժ Սարգսյանի հրաժարականը, այլ նաեւ նույն Գեւորգ Կոստանյանի, Էդուարդ Շարմազանովի հրաժարականը պահանջելու: ՀՀԿ-ում, չգիտես ինչու, չեն ընդունում, որ որքան շատ են խոսում շարմազանովներն ու կոստանյաններն, այնքան ավելի շատ մարդ է փողոց դուրս գալիս, այնքան դժվարանում երկխոսության ճանապարհը:
Իհարկե, Կոստանյանը, Շարմազանովը գրեթե ոչ մի կապ չունեն Կարեն Կարապետյանի հետ, բայց նրանք իրենց ելույթներով, ցինիկ հայտարարություններով, ժողովրդին գրգռող հայտարարություններով, թե մենք երբեք չենք քվեարկի ժողովրդի թեկնածուի օգտին, ավելի են մեծացնում դժգոհների բանակը, ավելի բարդացնում Կարեն Կարապետյանի գործը, ավելի դժվարացնում երկխոսության ճանապարհն հարթողների գործը:
Իրականում Կարեն Կարապետյանը որեւէ կապ չունի վերջին տասը տարվա խայտառակության հետ: Նա փորձեց օգտակար լինել, նա գնաց իր համար անցանկալի զիջումների, փորձեց նպաստել երկրի զարգացմանը, փորձեց եւ փորձում է դրական շարժ սկսել այս դժվար իրավիճակում:
Եւ եթե Շարմազանովն ու Կոստանյանն այսպես շարունակեն խոսել կամ ընդհանրապես խոսել, ապա մայիսի 1-ին փողոցում ոչ թե հարյուր հազար այլ մեկ միլիոն մարդ է լինելու:
Ուզո՞ւմ եք օգնել Կարապետյանին լռեք մինչեւ մայիսի 1-ը, իսկ ավելի լավ է ընդդմիշտ:
Վարդան Մխիթարյան
Top-News.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...