Վանի կուսական գեղեցկուհին. թուրքական կայքը՝ Կտուց կղզու մասին (լուսանկարներ)
Թուրքական «Անադոլու» գործակալությունը հատուկ անդրադարձ է կատարել այժմյան Թուրքիայի տարածքում գտնվող Վանի նշանավոր Կտուց կղզուն, որն այսօր անվանվում է Չարփանաք: Ըստ թուրք լրագրողի՝ Կտուց կղզին Վանի կուսական գեղեցկությունն է և հատկապես հրաշալի է գարնանային այս եղանակին:
Նախկինում ամբողջովին հայերով բնակեցված կղզին գտնվում է Վանի նահանգի Տուշպա շրջանի տարածքում՝ Վանա լճի հյուսիս-արևելյան հատվածում:
Թեև Վանի խորհրդանիշերից մեկը համարվում է Աղթամար կղզին՝ իր Սուրբ Խաչ վանքով՝ Կտուց կղզին նույնպես ամեն տարի հյուրընկալում է բազմաթիվ տեղացի ու օտարերկրյա զբոսաշրջիկների:
Տեղի բնակիչները լրագրողներին պատմել են, որ իրենց ձկնորսական նավերով ման են տալիս զբոսաշրջիկներին լճում, ինչն էլ գյուղացիներից շատերի համար եկամտի կարևոր աղբյուր է դարձել:
Կղզու մոտակայքի գյուղերից մեկի բնակիչ Ֆևզի Յըլդըրըմը շեշտել է, որ հյուրերը հատկապես հիանում են կղզու վանական համալիրի գեղեցկությամբ:
Կղզում կանգուն է Կտուց անապատի համալիրը, որը, ըստ ավանդության, հիմնադրել է Գրիգոր Լուսավորիչը:
Հայտնի է, որ մինչև 20-րդ դարի սկիզբ այստեղ գործել են հյուրանոցներ ու օթևաններ, որոնք կոչվում էին «Դրսի տունք» և կառուցված էին լճափին։ Կղզին, սակայն, ամայացել է Հայոց ցեղասպանությունից հետո:
Վիճակագրություն․ ի՞նչ փոփոխություններ է կրել ՀՀ ապրանքաշրջանառությունը տարբեր երկրների հետ
Հիտլերի ատրճանակը՝ 42 մլն դոլարով. «Երկրի վրա ամենաթանկարժեք զենքը» հայտնվել է աղմկահարույց դատական ...
4 մլրդ դոլարի ներդրում․ Հրազդանում բացվել է Firebird-ի ԱԲ կենտրոնը
Շիրակի մարզի որոշ հասցեներում գազ չի լինի
Հայաստանում ամառային հանգիստը որքանո՞վ է հասանելի միջին ընտանիքին
Արարատ Միրզոյանը հեռախոսազրույց է ունեցել Ուկրաինայի ԱԳ նախարարի հետ
Աբդոլլահին նշանակվել է Իրանի զինված ուժերի գլխավոր շտաբի պետ
Երիտասարդության միջազգային օրվա միջոցառումների ժամանակացույց
Վանաձորի մի շարք հասցեներում գազանջատումներ կլինեն
«Ուժեղ Հայաստանի» դեմքով Սերժ Սարգսյանը ներկայացված է ԱԺ դահլիճում. Տարոն Չախոյան