Ոչ միայն լավ սիրեկան (Տեսանյութ)

Վենետիկում բացվել է Կազանովայի առաջին թանգարանը: Տեղը պատահաբար չէ ընտրված: Հենց Վենետիկի Մելպիեռո փողոցում է ծնվել Ջակոմո Կազանովան:

Թանգարանի տնօրեն Անդրեա Կոսենտինոն վախվորած ասում է, թե իրենք ցանկացել են փոխել Կազանովայի մասին պատկերացումները, որը, ըստ հնուց եկող զրույցների 120 կնոջ սիրտ է կոտրել: Հասկանալի է, թե ինչ մտավախություն ունի տնօրենը: Նա սարսափում է, որ կանանց տարատեսակ կազմակերպություններ իրենց տարատեսակ մեղադրանքներ կներկայացնեն, երբ աշխարհը, իբր պայքարում է կանանց նկատմամբ իրականացվող սեռական ոտնձգությունների դեմ:

«Մենք պետք է կանգ առնենք եւ վերագնահատենք նրա դերը: Արտերկրում նրա մասին իմանում են արդեն դպրոցում: Իտալիայում դա ավելի բարդ է: Նա ոչ միայն սիրեկան է եղել: Նա մեծ գիտնական է, մեծ մարդ՝ օժտված հատուկ տաղանդով: Հենց սա է պետք բացատրել մարդկանց: Մենք ցանկանում ենք, որ այս անձը բացահայտվի ամբողջովին»,- ասել է թանգարանի տնօրենը:

Մահանալիս Կազանովան ասել է. «Ես ապրեցի այնպես ինչպես փիլիսոփա, իսկ մահանում եմ ինչպես քրիստոնյա»: Նա ապրեց 73 տարի:

Top-News.am