Տասնյակ սանտեխնիկներ տեղափոխող օդանավը հարկադրաբար վերադարձել է օդանավակայան՝ անսարք զուգարանի պատճառով

Norwegian ավիաընկերության օդանավը ստիպված է եղել ընդհատել թռիչքը և վերադառնալ Օսլո, որտեղից օդ էր բարձրացել: Ինչպես գրում է lenta.ru-ն, անձնակազմի նման որոշման պատճառ է հանդիսացել ինքնաթիռի զուգարանի անսարքությունը:

Զվարճալին այն է, որ ինքնաթիռում գտնվել է Rørkjøp ընկերության շուրջ 60-70 սանտեխնիկ, որոնք աշխատանքային գործուղման էին մեկնում Գերմանիայի Մյունխեն քաղաք:

Ընկերության գործադիր տնօրեն Ֆրանկ Օլսենը պատմել է, որ իրենց աշխատակիցները դեմ չեն եղել անսարք զուգարաններն ինքնուրույն նորոգելուն, սակայն դրա համար անհրաժեշտ կլիներ ուղարկել սանտեխնիկին օդանավից դուրս, որն այդ պահին գտնվում էր 10.000 մետր բարձրության վրա:

Նշենք, որ թռիչքը պետք է տևեր ավելի քան 2 ժամ: