Հութիները հրթիռակոծել են Եմենի նախագահական պալատը
Եմենի պաշտոնյաների տվյալներով՝ Եմենի հարավում գտնվող Ադեն նավահանգստային քաղաքում՝ միջազգայնորեն ճանաչված կառավարության նստավայրում, հութիների հրթիռային հարձակման հետևանքով 5 մարդ է զոհվել, 16-ը՝ վիրավորվել։
Տեղեկատվության նախարար Մոամար ալ Էրյանին BBC-ին հայտնել է, որ վարչապետն ու նախարարները չեն տուժել, երբ հինգ բալիստիկ հրթիռով հարվածել են Ալ Մաաշիկ պալատին։
Եմենի առողջապահության նախարար Քասիմ Բուհայբեհը տեղեկացրել է, որ զոհերի թվում եղել են «օբյեկտի պահպանության աշխատակիցներ և քաղաքացիական ծառայողներ»։
Հութիների ռազմական ներկայացուցիչ Յահյա Սարիան էլ հայտարարել է, որ հարվածել են «Ադենում գտնվող սաուդյան ռազմական գործողությունների շտաբին»։ Սաուդյան Արաբիայի գլխավորած կոալիցիան աջակցում է Եմենի կառավարությանը և օդային աջակցություն է ցուցաբերում կառավարամետ ուժերի հարձակողական գործողություններին՝ ուղղված Իրանի աջակցությունը վայելող հութիների դեմ։
Երկրի վարչապետ Շայա Զինդանին դատապարտել է Ադենի վրա հութիների հարձակումը՝ նշելով, որ կառավարությունը շարունակում է կատարել իր պարտավորությունները։ Նա վստահեցրել է, որ այդ հարձակումը չի թուլացնի կառավարական ուժերի վճռականությունը՝ շարունակելու գործողությունները հութիների դեմ Եմենի հարավարևմտյան ափին՝ Կարմիր ծովի երկայնքով, ինչպես նաև ռազմաճակատի մյուս հատվածներում։
Ինչո՞ւ է Հայաստանը տեղափոխվում Երևան
Բյուրոկրատիան ընդդեմ Հայաստանի զարգացման
Երբ դուրս ես գալիս խաղադաշտ, մտածում ես բացառապես հաղթանակի մասին
Առանց տեղումների եղանակ
Ռուսաստանն արգելել է Վրաստանից Նաբեղլավիի և Կոկա-կոլայի ներմուծումը
Ճիշտ պահն է մտածելու Էվերթոնի պատմության հաջորդ գլխի մասին
Այրարատ կինոթատրոնն ու այլ գույքեր՝ իրավական վեճի կենտրոնում
Հայաստանի ԱԳՄԱ նախարարի հեռախոսազրույցը Թուրքիայի ԱԳ նախարարի հետ
Իրականացվում են պատմության և մշակույթի հուշարձանների վերականգնման աշխատանքներ
Քննարկվել է բռնագանձված ակտիվների արդյունավետ կառավարման հայեցակարգը