Մեծ Բրիտանիան Կիեւին լրացուցիչ Storm Shadow-ներ կուղարկի

Ուկրաինայում սպառվել են ամերիկյան Patriot հակաօդային պաշտպանության համակարգերի համար նախատեսված հրթիռները, հայտնում է CNN- ը՝ վկաչակոչելով իրավիճակին ծանոթ աղբյուրը։

Ըստ նրա՝ «հրթիռ-որսիչների պակասի պատճառով» Ուկրաինայի զինված ուժերին հոկտեմբերի 14-ի գիշերը բալիստիկ հրթիռների կիրառմամբ իրականացված վերջին հարձակման ժամանակ չի հաջողվել դրանցից գրեթե ոչ մեկը որսալ։  Այդ ժամանակ ռուսական բալիստիկ հրթիռների հարվածների տակ են հայտնվել Կիեւի երեք էլեկտրակայաններ, ինչպես նաեւ Խարկովի էներգետիկ ենթակառուցվածքի օբյեկտները։

Նույն օրը՝ հոկտեմբերի 14-ին Ուկրաինայի նախագահ Վոլոդիմիր Զելենսկիի Լոնդոն կատարած այցի ընթացքում նա Մեծ Բրիտանիայի վարչապետ Էնդի Բերնհեմի հետ քննարկել է բրիտանական թեւավոր հրթիռների մատակարարման հարցը։

Մեծ Բրիտանիան մինչեւ ձմռան սկիզբը Ուկրաինային կուղարկի Storm Shadow մեծ հեռահարության հրթիռների լրացուցիչ խմբաքանակ, հայտնում է Bloomberg-ը՝ հղում անելով իրավիճակին ծանոթ աղբյուրներին։

Հրթիռների փոխանցման մասին պաշտոնական հայտարարություն չի եղել։

Մեծ Բրիտանիայի կառավարությունում հրաժարվել են մեկնաբանել Bloomberg-ի տեղեկությունը։ Հրատարակությունը հիշեցնում է, որ բրիտանական իշխանությունները չեն բացահայտում, թե հակամարտության ընթացքում քանի հրթիռ են փոխանցել Կիեւին, եւ մատակարարումների վերաբերյալ պարբերաբար հայտարարություններ չեն անում։

Bloomberg-ի փոխանցմամբ՝ MBDA ընկերության արտադրած Storm Shadow հրթիռները բարձր ճշգրտության՝ օդանավերից արձակվող հրթիռներ են, որոնց թռիչքի հեռահարությունը գերազանցում է 250 կմ-ը։ Դրանք դժվար է որսալ, քանի որ թռչում են մեծ արագությամբ ցածր բարձրության վրա։