Ժողովրդավարությունը Հայաստանի Հանրապետության ազգային անվտանգության անբաժանելի բաղադրիչն է. Ռուբեն Ռուբինյան
ՀՀ ԱԺ նախագահ Ռուբեն Ռուբինյանի գլխավորած պատվիրակությունը Հռոմում մասնակցում է Եվրոպայի խորհրդի խորհրդարանների նախագահների եվրոպական համաժողովին:
Համաժողովի շրջանակում «Դիմակայուն ժողովրդավարություն, միավորում ընդդեմ հիբրիդային սպառնալիքների» խորագրով քննարկմանը ՀՀ Ազգային ժողովի նախագահ Ռուբեն Ռուբինյանն ընդգծել է ժողովրդավարական դիմակայունության ամրապնդման, հիբրիդային սպառնալիքներին հակազդելու և տարածաշրջանում խաղաղության հաստատման կարևորությունը։
Քննարկումը նախագահել է ԵԽԽՎ նախագահ Պետրա Բայերը։ Հիմնական զեկուցողներն են եղել Ֆրանսիայի Ազգային ժողովի նախագահ Յաել Բրաուն-Պիվեն, Ուկրաինայի Գերագույն ռադայի նախագահ Ռուսլան Ստեֆանչուկը և ՀՀ Ազգային ժողովի նախագահ Ռուբեն Ռուբինյանը։
Ռուբեն Ռուբինյանն ընդգծել է, որ ժողովրդավարությունը Հայաստանի համար ոչ միայն հիմնարար արժեք է, այլև ազգային անվտանգության անբաժանելի բաղադրիչ։ Նա նշել է, որ ապատեղեկատվությունն ու արտաքին միջամտությունները լուրջ մարտահրավերներ են ժողովրդավարական ինստիտուտների և պետության ինքնիշխանության համար՝ կարևորելով տեղեկատվական դիմակայունության ամրապնդումն ու միջազգային համագործակցությունը։
ԱԺ նախագահն անդրադարձել է նաև Հայաստանի ընտրական ժամանակահատվածում տնտեսության կարևոր ոլորտներին առնչվող առևտրային սահմանափակումներին՝ նշելով, որ տեղեկատվական շահարկումների և քաղաքական ճնշման հետ մեկտեղ դրանք դիտարկվում են որպես ավելի լայն հիբրիդային արշավի մաս, որի նպատակն էր ազդել Հայաստանի ժողովրդավարական ընտրությունների վրա և մեծացնել արտաքին ազդեցության լծակները՝ հօգուտ ընդդիմադիր քաղաքական դերակատարների։
Անդրադառնալով տարածաշրջանային զարգացումներին՝ ԱԺ նախագահը 2025 թվականի օգոստոսի 8-ի Վաշինգտոնի հռչակագիրը և Հայաստանի ու Ադրբեջանի միջև խաղաղության համաձայնագրի նախաստորագրումը համարել է պատմական հնարավորություն՝ տասնամյակների հակամարտությունից դուրս գալու և կայուն խաղաղություն հաստատելու համար։ Նա կարևորել է նաև Թուրքիայի հետ հարաբերությունների կարգավորման գործընթացի առաջխաղացումը՝ հանուն առավել բաց, կայուն և զարգացող Հարավային Կովկասի։
Քննարկումից հետո տեղի է ունեցել Եվրոպայի խորհրդի խորհրդարանների նախագահների համատեղ լուսանկարահանման արարողությունը։
Ինչո՞ւ է Հայաստանը տեղափոխվում Երևան
Բյուրոկրատիան ընդդեմ Հայաստանի զարգացման
Ճիշտ պահն է մտածելու Էվերթոնի պատմության հաջորդ գլխի մասին
Այրարատ կինոթատրոնն ու այլ գույքեր՝ իրավական վեճի կենտրոնում
Երբ դուրս ես գալիս խաղադաշտ, մտածում ես բացառապես հաղթանակի մասին
Իրականացվում են պատմության և մշակույթի հուշարձանների վերականգնման աշխատանքներ
Ռուսաստանն արգելել է Վրաստանից Նաբեղլավիի և Կոկա-կոլայի ներմուծումը
Հայաստանի ԱԳՄԱ նախարարի հեռախոսազրույցը Թուրքիայի ԱԳ նախարարի հետ
Ուկրաինան հարվածներ է հասցնում Ռուսաստանում Յանդեքսի տվյալների կենտրոններին
Անվավեր է ճանաչվել Արթիկում մսուր-մանկապարտեզի շենքի օտարման աճուրդը․ համայնքին կհատուցվի 12.4 միլիո...