Քայլող մարդը քանդակի մանրակերտը նվիրաբերվել է Կանադայում ՀՀ դեսպանությանը (տեսանյութ)
Հայաստանի Հանրապետության անկախության 35-րդ տարեդարձի առթիվ կանադահայ անվանի քանդակագործ և նկարիչ Արտո Չաքմաքչյանի այրին՝ Նաիրի Պահլավունի-Չաքմաքչյանը, Կանադայում ՀՀ դեսպանությանն է նվիրաբերել արվեստագետի հեղինակած «Քայլող մարդը» քանդակի մանրակերտը։ Այս մասին հայտնում է դեսպանությունը:
«Դեսպանությունը խորին շնորհակալություն է հայտնում Նաիրի Պահլավունի-Չաքմաքչյանին՝ այս արժեքավոր նվիրատվության և անվանի արվեստագետի ստեղծագործական ժառանգությունը պահպանելու ու հանրահռչակելու գործում ունեցած կարևոր ավանդի համար։
Հավելյալ տեղեկատվություն. Հարություն (Արտո) Չաքմաքչյանը (1933-2019թթ.) եղել է Կանադայի գեղարվեստի թագավորական ակադեմիայի անդամ, 2015թ. նրան շնորհվել է Հայաստանի Հանրապետության պատվո շքանշան։
Ա. Չաքմաքչյանի այրին 2024թ. նրա 16 գրաֆիկական ստեղծագործությունները և 2 քանդակը նվիրաբերել է Հայաստանի ազգային պատկերասրահին։
2006թ. ստեղծված «Քայլող մարդը» քանդակի մեծ տարբերակը 2021թ. տեղադրվել է Երևանի Հյուսիսային պողոտայի սկզբնամասում՝ Հայաստանի Հանրապետության անկախության 30-րդ տարեդարձի առթիվ»,- ասվում է հաղորդագրության մեջ։
Ինչո՞ւ է Հայաստանը տեղափոխվում Երևան
Բյուրոկրատիան ընդդեմ Հայաստանի զարգացման
Այրարատ կինոթատրոնն ու այլ գույքեր՝ իրավական վեճի կենտրոնում
Ճիշտ պահն է մտածելու Էվերթոնի պատմության հաջորդ գլխի մասին
Երբ դուրս ես գալիս խաղադաշտ, մտածում ես բացառապես հաղթանակի մասին
Ռուսաստանն արգելել է Վրաստանից Նաբեղլավիի և Կոկա-կոլայի ներմուծումը
Իրականացվում են պատմության և մշակույթի հուշարձանների վերականգնման աշխատանքներ
Հայաստանի ԱԳՄԱ նախարարի հեռախոսազրույցը Թուրքիայի ԱԳ նախարարի հետ
Ուկրաինան հարվածներ է հասցնում Ռուսաստանում Յանդեքսի տվյալների կենտրոններին
Կլիչկոն խորհուրդ է տվել Կիևի բնակիչներին ժամանակավորապես հեռանալ քաղաքից