Թրամփը հայտնել է, որ Թերեզա Մեյն իրեն հրավիրել է 2018-ին 2 այց կատարել Մեծ Բրիտանիա

ԱՄՆ նախագահ Դոնալդ Թրամփը բրիտանացի լրագրող Փիրս Մորգանին հայտնել է, որ այս շաբաթ Մեծ Բրիտանիայի վարչապետից առաջարկ է ստացել 2018 թվականին Միացյալ Թագավորություն 2 այց կատարելու մասին: ՏԱՍՍ-ի փոխանցմամբ՝ այս մասին հունվարի 28-ին ԱՄՆ նախագահի հետ զրուցած լրագրողը նշել է իր Twitter-ում:

«Նախագահ Թրամփն ինձ հայտնեց, որ այս շաբաթ Թերեզա Մեյն իրեն առաջարկել է այս տարի Միացյալ Թագավորություն 2 այց կատարել՝ աշխատանքային այց ամռանը եւ խոստացված պետական այցը՝ աշնանը»,- հայտնել է Մորգանը: Ինչպես հայտնում է BBC-ն, Մեծ Բրիտանիայի վարչապետի գրասենյակն այս տեղեկությունը դեռեւս չի հաստատել:
Թրամփի հետ հարցազրույցը հունվարի 28-ին կցուցադրվի ITV-ի եթերում:
2017 թվականի հունվարի Վաշինգթոնում հանդիպման ժամանակ Թերեզա Մեյը Թրամփին է փոխանցել Եղիսաբեթ 2-րդ թագուհու ստորագրած հրավերը Մեծ Բրիտանիա պետական այցի մասին, որը նախատեսում է հյուրին բարձր պատիվների արժանացնել, այդ թվում՝ կեցություն Բուքինգեմյան պալատում:

BREAKING NEWS:
President Trump tells me Theresa May this week offered him TWO visits to UK this year - a working visit in the summer & the promised State visit in the autumn.
Full interview tomorrow: ITV, 10pm. pic.twitter.com/L8hE6jNcj3

— Piers Morgan (@piersmorgan) 27 января 2018 г.