Future of the Past - Անցյալի ապագան` երկխոսություն անցյալի և ապագայի միջև
Սեպտեմբերի 12–13-ը Երևանում առաջին անգամ կանցկացվի միջազգային էթնիկ նորաձևության լայնածավալ նախագիծ՝ «Future of the Past»-ը։
Նախագիծն իրականացվում է «Տերյան մշակութային կենտրոն» մշակութային հասարակական կազմակերպության կողմից՝ ՀՀ կրթության, գիտության, մշակույթի և սպորտի նախարարության ֆինանսական աջակցությամբ և «Վիկտորի Պարկ» ժամանցի այգու համաֆինանսավորմամբ ու գործընկերությամբ։
Երկու օր շարունակ Հայաստանում մեկ հարթակում կհամախմբվեն 11 երկրի՝ Հայաստանի, Բուլղարիայի, Ռումինիայի, Լիտվայի, Սերբիայի, Վրաստանի, Ուկրաինայի, Քաթարի, Հունգարիայի, Ուրուգվայի և Անգլիայի դիզայներներ, արհեստագործներ ու մշակութային ժառանգության պահպանման ոլորտի մասնագետներ։
Մասնակիցները կներկայացնեն ազգային տարազներ, ավանդական արհեստներ և մշակութային ժառանգության հիման վրա ստեղծված ժամանակակից էթնիկ նորաձևության հավաքածուներ։
Նախագիծը մեկ հարթակում միավորում է տարբեր ժողովուրդների մշակութային ինքնությունը, ավանդական գիտելիքը, ձեռագործ վարպետությունն ու նորաձևության ժամանակակից լեզուն։
Մեր նպատակն է ցույց տալ, որ մշակութային ժառանգությունը միայն անցյալի հիշողություն չէ։ Այն կենդանի, ստեղծագործ և անսպառ աղբյուր է, որը կարող է նոր կյանք ստանալ ժամանակակից արվեստում ու նորաձևության մեջ՝ դառնալով ժողովուրդներին միավորող կարևոր կամուրջ։
Սիրով սպասում ենք բոլորիդ՝ միասին բացահայտելու անցյալի ապագան։
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Կրկին ակտիվացել են ՆԳՆ անունից զեղծարարության փորձերը
Նոր ավտոբուսների ձեռքբերումը ենթադրում է նաև Երևանում առանձնացված գծերի մասով վերջնական լուծումներ
Ծաղկունքում կասեցվել է հացաբուլկեղենի արտադրամասի գործունեությունը
800-ամյա Շնադից դղյակը վաճառքի է հանվել ընդամենը 1 եվրոյով
Ամերիկան պատմության մեջ հսկայական քայլ հետ կատարեց
Մելանշոնը հավանական առաջատար թեկնածուներից մեկն է