Քաբուլում զինյալները հյուրանոցում մի քանի մարդու պատանդ են վերցրել

Քաբուլում զինյալները հարձակում են գործել Intercontinental Hotel հյուրանոցի վրա, մի քանի մարդ պատանդ են վերցրել, կան զոհեր, հաղորդում է «ՌԻԱ Նովոստին»՝ հղում անելով Tolo News հեռուստաալիքին եւ Աֆղանստանի ոստիկանության աղբյուրներին:

Ներքին գործերի նախարարությունը հաստատել է հարձակման փաստը: Ոստիկանությունը շրջափակել է շենքի շուրջ գտնվող տարածքը: Այս պահին անվտանգության աշխատակիցները եւ զինյալները հրաձգություն են սկսել:

1 TV հեռուստաալիքը, վկայակոչելով ականատեսներին, հաղորդում է, որ ահաբեկիչները կրակում են շենքի վերջին հարկերից: Ըստ նրանց՝ հարձակումը կատարվել է մահապարտ ահաբեկիչների գոտիներ հագած երեք զինյալների կողմից: