Թերեզա Մեյ․ Մեծ Բրիտանիայում ԵՄ-ից դուրս գալու հարցով երկրորդ հանրաքվե չի լինելու
Մեծ Բրիտանիայում ԵՄ-ից դուրս գալու հարցով երկրորդ հանրաքվե չի լինելու։ Այս մասին, ինչպես հայտնում է ՏԱՍՍ-ը, հայտարարել է վարչապետ Թերեզա Մեյը գերմանական Bild թերթում հրապարակված հարցազրույցում։
«Ոչ, երկրորդ հանրաքվե չի լինելու,- ասել է Մեյը,- Խորհրդարանը ընտրության իրավունք է տրամադրել բրիտանական հասարակությանը, ու նա կայացրել է իր որոշումը»։ «Մենք հեռանում ենք ԵՄ-ից, բայց ոչ թե Եվրոպայից, մենք ուզում ենք լինել ԵՄ-ի գործընկերը»,- շեշտել է վարչապետը։
Մեյի խոսքով՝ Միացյալ Թագավորությունը մտադիր չէ «այրել բոլոր կամուրջները»։ «Մենք ընդհանուր շահեր ունենք ու կանգնած ենք ընդհանուր մարտահրավերների առաջ»,- ասել է նա՝ նշելով, որ Մեծ Բրիտանիան պատրաստ է կատարել իր պարտականությունները ՝ ընդհանուր անվտանգության ապահովման հարցում։
«Մենք դռները չենք փակում,- ասել է Մեյը,- Ապրանքների վերսահմանային հոսքը կարեւոր է երկու կողմերի համար»։ «Մենք ուզում ենք պայմանավորվել ԵՄ-ի հետ՝ ազատ առեւտրի վերաբերյալ համընդգրկուն համաձայնագրի շուրջ, նաեւ անվտանգության ոլորտում գործընկերության մասին»,- շեշտել է նա։
Հիշեցնենք, որ ԵՄ-ում Մեծ Բրիտանիայի անդամակցությունը դադարեցնելու վերաբերյալ հանրաքվեն կայացել է 2016-ի հունիսի 23-ին, եվրաինտեգրման հակառակորդները հաղթել էին 51․9 տոկոս արդյունքով։
Դիմակավորված և զինված անձանց կողմից Փաշինյանի հասցեին սպառնալիքներ պարունակող տեսանյութի առնչությամբ...
Հազա՛ր ամոթ. ՀՌՀ նախագահը՝ նախընտրական քարոզչության անվան տակ տարածվող հայատյաց բովանդակության մասին
Ռուսաստանը և Ուկրաինան իրականացրել են «205-ը 205-ի դիմաց» ձևաչափով ռազմագերիների փոխանակում
ՌԴ պետական ռեեստրում Նարեկ Կարապետյանը նշված է որպես ՌԴ քաղաքացի
ԱՄՆ-ն Չինաստանի օգնության կարիքը չունի Իրանի հարցում. Ռուբիո
Շակիրան Իսպանիայի կառավարությունից 55 միլիոն եվրո հարկային վերադարձ է ստացել
Մեկնարկում է 2026-ի «100 գաղափար Հայաստանի համար» մրցույթի հայտերի ընդունման փուլը
Տարածքային զիջումներից Զելենսկու հրաժարվելու պատճառով բանակցությունները փակուղի են մտել. Պենտագոն
Ադրբեջանը անկեղծ շահագրգռված է Հայաստանի հետ հակամարտության դադերցմամբ. Բայրամով
Բնապահպանության և ընդերքի տեսչական մարմինը խախտումներ է արձանագրել «Շաքի» ՓՀԷԿ-ում