Փոքրիկ ավանակն իրեն շան պես է պահում (լուսանկարներ, տեսանյութ)

Բրիտանական The Daily Mail պարբերականը հրապարակել է ուշագրավ տեսանյութ, որի գլխավոր հերոսն իրեն շան պես պահող փոքրիկ ավանակն է՝ Թայնի Թիմը:

Հայտնի է, որ ավանակը ծնվել է կանադական Օնտարիո նահանգի ֆերմաներից մեկում: Նա ժամանակի մեծ մասն անցկացնում է դրսում՝ շների հետ խաղալով ու կրկնօրինակելով նրանց վարքը:

Ֆերմայի տիրուհին՝ Ջոդի Թոփինգսը, պատմել է, որ ավանակը վազում-բերում է նետված գնդակը, լիզում է կեղտոտ ափսեներն ու քնում շան բնում:

Նա մանրամասնել է, որ ծնվելուց հետո մայրը հրաժարվել է Թիմից, ուստի՝ նա ստիպված է եղել ընկերանալ մյուս կենդանիների՝ մասնավորապես ֆերմայում ապրող շների հետ:

Հայտնի է, որ իրեն շան պես պահող Թայնի Թիմի մասնակցությամբ տեսանյութը շատ է դուր եկել համացանցի օգտատերերին: