Հրապարակվել է տեսանյութ՝ ինչպես է ԱՄՆ-ում մեքենան «վայրէջք կատարում» շենքի 2-րդ հարկում (տեսանյութ)

Վիրտուալ տիրույթում է հայտնվել ուշագրավ տեսանյութ, որը պատկերում է Nissan սեդանի՝ ստոմատոլոգիական շենքի 2-րդ հարկի մեջ մխրճվելու պահը:

Ինչպես նշում է abcnews.go.com-ը, միջադեպը, որի հետևանքով մի քանի մարդ է տուժել, տեղի է ունեցել ԱՄՆ Կալիֆորնիա նահանգի Սանտա Անա քաղաքում:

Հայտնի է, որ վարորդը գտնվել է թմրանյութերի ազդեցության տակ: Նա բարձր արագությամբ ընթացել է ճանապարհով, հետո բախվել է արգելապատնեշին ու ուժեղ հարվածից օդ թռել, ինչի հետևանքով էլ մխրճվել է շինության մեջ:

Նշվում է, որ մեքենան մի քանի ժամ մնացել է շենքի մեջ, մինչև որ այն դուրս են հանել հատուկ տեխնիկայի միջոցով:

Մինչդեռ շինությունը միջադեպի հետևանքով լուրջ վնաս է կրել: