Անվտանգ պետությունում երեխաները պետք է ունենան անհոգ մանկություն, համարձակորեն բացահայտեն աշխարհը և վստահությամբ նայեն ապագային
Հունիսի 1-ին ՆԳՆ փրկարար ծառայության շարահրապարակը մանուկների համար ուրախության և գունեղ տպավորությունների կենտրոնի էր վերածվել։ Տոնական միջոցառմանը երեխաները ոչ միայն զվարճանալու հնարավորություն ունեին, այլ նաև ինտերակտիվ և ճանաչողական ծրագրերի միջոցով բացահայտելու ոստիկանների, փրկարարների և պատասխանատու քաղաքացու առօրյան։
Մեկնարկն ազդարարեց ՆԳՆ ոստիկանության նվագախումբը։ Հայտնի մյուզիքլների և սիրված ստեղծագործությունների կատարումները հրապարակին հաղորդեցին տոնական շունչ և բարձր տրամադրություն:
ՆԳ նախարար Արփինե Սարգսյանը ևս ներկա էր տոնական միջոցառմանը։ Կիսելով երեխաների ուրախ տրամադրությունը՝ նախարար Սարգսյանը շրջեց հրապարակում, ծանոթացավ ինտերակտիվ գոտիներին, զրուցեց փոքրիկների հետ ու մասնակցեց նրանց համար կազմակերպված խաղերին ու հետաքրքիր ծրագրերին։
Փոքրիկներին սպասում էին բազմաթիվ անակնկալներ՝ ճանաչողական և իրազեկող խաղեր, թեմատիկ մրցույթներ, հետաքրքիր առաջադրանքներ, նվերներ, ինչպես նաև լուսանկարվելու համար հատուկ անկյուններ։
«Փոքրիկ ոստիկան», «Փոքրիկ փրկարար» և «Փոքրիկ քաղաքացի» ինտերակտիվ գոտիներում երեխաները մասնակցում էին տարբեր ծրագրերի, իրենց գիտելիքներն ու հնարամտությունն էին փորձում թեմատիկ «Այլ կերպ» ինտելեկտուալ խաղում, նաև ծանոթանում էին նոր կենսաչափական անձնագրին և անձնագրավորման գործընթացի առանձնահատկություններին։
Իսկ տոնական տրամադրությունն ապահովում էին սիրված մուլտհերոսներն ու փորձառու խաղավարները, ինչպես նաև փրփուրե շոուն, ավազով նկարչությունը, աքվագրիմն ու բատուտը, գնացքով ուղևորությունը․․․
Ժպիտներով, վառ տպավորություններով և անմոռանալի պահերով լի օրը հերթական անգամ փաստեց, որ անվտանգ պետությունում երեխաները կարող են և պետք է ունենան անհոգ մանկություն, համարձակորեն բացահայտեն աշխարհը և վստահությամբ նայեն ապագային։
Մենք միանգամայն արժանիորեն դուրս եկանք հաջորդ փուլ
Ուրումչիի մշակութային ուղին. Գրանդ բազար
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
Երևանի Կենտրոնում պետության սեփականության իրավունքն է վերականգնվել 51,9 քմ նկուղային տարածքի և հողամ...
Գանսուի թռչող ձին. չինական նահանգի հնագույն ժառանգություն
Մյունխենի կենտրոնում կառուցվել է փայտից պատրաստված հնգահարկ մանկապարտեզ
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Մահացել է աշխարհի չեմպիոն և «Միլանի» լեգենդ Ֆրանկո Բարեզին