Բորիս Ջոնսոնը եւ Ռեքս Թիլերսոնը քննարկել են Իրանի, Հյուսիսային Կորեայի եւ Սիրիայի հարցերը

Մեծ Բրիտանիայի ԱԳ նախարար Բորիս Ջոնսոնը եւ ԱՄՆ պետքարտուղար Ռեքս Թիլերսոնը հեռախոսազրույցում քննարկել են Իրանի, Հյուսիսային Կորեայի եւ Սիրիայի հարցերը, հայտնում է «Կոմերսանտը»՝ վկայակոչելով Մեծ Բրիտանիաի ԱԳՆ մամուլի ծառայությանը:

Ջոնսոնը հայտարարել է իրանական միջուկային գործարքին Մեծ Բրիտանիայի հավատարմության եւ դաշնակիցների ու գործընկերների հետ աշխատելու պատրաստակամության մասին «Իրանի ապակայունացնող գործունեության հետ կապված միջոցառումների անցկացման նպատակով»: Կողմերը նաեւ քննարկել են Իրանում անցկացվող հակակառավարական ցույցերը եւ պայմանավորվել են հետեւել իրավիճակին:

Նրանք պայմանավորվել են շարունակել ճնշում գործադրել Հյուսիսային Կորեայի վրա, որպեսզի այն դադարեցնի իր միջուկային ծրագրի զարգացումը: Դրանից զատ, Բորիս Ջոնսոնն ու Ռեքս Թիլերսոնը հայտարարել են Սիրիայի ճգնաժամի քաղաքական կարգավորման գործընթացը «կենդանացնելու» անհրաժեշտության մասին, ինչպես նաեւ քննարկել են Եմենի իրավիճակը:

news.am

Այս թեմայով Թիլերսոն. Մենք դեռ հեռու ենք Փհենյանի հետ ուղիղ բանակցություններից Թիլերսոնը Թուրքիա այցի ընթացքում մտադիր է Աֆրինի իրավիճակը քննարկել Թիլերսոնը Մեքսիկայի իշխանություններին կոչ է անում աչալուրջ լինել ընտրությունների ժամանակ Թիլերսոնը մտադիր է Կուբայում դիվանագետների վրա «հարձակումների» կապակցությամբ նոր հետաքննություն անցկացնել Թիլերսոնը «ծրագրում է» պահպանել պետքարտուղարի պաշտոնը