Ավստրալիայում զբոսաշրջիկները կոկաինի նման փոշու օգտագործումից հետո կաթվածահար են եղել

Ավստրալիայում ինը հանգստացողները օգտագործել են փոստով ստացված փոշին եւ հոսպիտալացվել են: Այս մասին հաղորդում է The West Australian-ը:

7 տղամարդ եւ 2 կին հանգստացել են Պերտ քաղաքում: Փոստով իրենց է հասել սպիտակ փոշով ծրար, որն ուղղված է եղել բնակարանի նախկին տիրոջը: Մտածելով, որ դա կոկաին է, նրանք որոշել են այն օգտագործել: Մի քանի րոպեից նրանց մոտ նոպաներ են սկսվել, մեկը կաթվածահար է եղել, ոմանց մոտ հալյուցինացիաներ են առաջացել:

Փորձաքնությունը ցույց է տվել, որ սպիտակ փոշին սկոպոլամին է, որը հանցագործները հաճախ են օգտագործում բռնաբարության եւ կողոպուտի ժամանակ զոհերին ընդարմացնելու նպատակով: