Արտավազդ Փելեշյանի ֆիլմերը կցուցադրվեն Կաննի 79-րդ կինոփառատոնին

Գեղարվեստական և վավերագրական կինոյի ականավոր ռեժիսոր, սցենարիստ Արտավազդ Փելեշյանի հինգ ֆիլմ կցուցադրվի Կաննի 79-րդ կինոփառատոնի «Դասականներ» ծրագրում, հայտնում է «Արմենպրեսը»։

Կինոյի երկրպագուները հնարավորություն կունենան դիտելու Փելեշյանի «Մարդկանց երկիրը» (1966), «Սկիզբ» (1967), «Մենք» (1969), «Բնակիչներ» (1970), «Տարվա եղանակները» (1975) ֆիլմերի վերականգնված տարբերակները։ Փելեշյանը կմասնակցի ցուցադրություններին։

Կաննի «Դասականներ» ծրագիրն իրականացվում է 2004 թվականից։ Նպատակն է վերականգնված տարբերակով ներկայացնել բազմաթիվ արժեքավոր ֆիլմեր և հարգանքի տուրք մատուցել ոլորտի ներկայացուցիչներին։

Կաննի 79-րդ կինոփառատոնը կանցկացվի մայիսի 12-23-ը։

Հայաստանի կինոյի հիմնադրամն էլ հայտնում է, որ ՀՀ ԿԳՄՍ նախարարության աջակցությամբ մայիսի 12–20-ը ազգային տաղավարով կմասնակցի կինոփառատոնի շրջանակում անցկացվող Marché du Film - Festival de Cannes կինոշուկային։