Հյուսիսային Կորեայի առաջնորդը սպառնում է աշխարհին

Հյուսիսային Կորեայի առաջնորդ Քիմ Չեն Ընը ամանորյա ուղերձում հայտարարել է, թե միջուկային կոճակը մշտապես իր սեղանին է, որ ԱՄՆ-ին թույլ չտա պատերազմ սկսել:

Նա շեշտել է, թե միջուկային զենքը կօգտագործի միայն այն ժամանակ, երբ երկրի անվտանգությանը սպառնալիքներ հասցվեն: Քիմ Չեն Ընն ասել է, թե իր երկիրը խաղաղասեր եւ պատասխանատվության զգացում ունեցող միջուկային տերություն է:

Քիմ Չեն Ընը շեշտել է, թե ԱՄՆ-ի ամբողջ տարածքը հասանելի է Հյուսիսային Կորեայի միջուկային հրթիռների համար: Նա ասել է, որ ոչ թե սպառնում է, այլ նշում այն ինչ կա:

Միաժամանակ հյուսիսկորեացի առաջնորդը հասկացրել է, թե իր երկիրը բաց է երկխոսության համար: Ավելին, նա ասել է, թե Հյուսիսային Կորեան, ամենայն հավանականությամբ, կմասնակցի Հարավային Կորեայում կայանալիք ձմեռային օլիմպիական խաղերին:

Top-News.am

Այս թեմայով ԱՄՆ նախագահը նոր նամակ է ստացել Կիմ Չեն Ունից Կիմ Չեն Ընը Թրամփի հետ հանդիպելու վճռական մտադրության մասին է հայտնել Թրամփը Կիմ Չեն Ընի հետ հանդիպումը «առանձնահատուկ» է համարում Պոմպեոն հայտարարել է Հյուսիսային Կորեայի հարցում առաջընթացի իրական հնարավորության մասին Կիմ Չեն Ընը ցանկանում է քննարկել Ճապոնիայի հետ հարաբերությունների կարգավորման հարցը