Մոուրինիոյին հանգիստ չի տալիս Հենրիխ Մխիթարյանը

Անգլիայի Պրեմիեր լիգայի քսանմեկերորդ տուրում «Մանչեսթեր Յունայթեդն» ընդունեց «Սաութհեմփթոնին» եւ բավարարվեց 0:0 հաշվով:

Այս անգամ Հենրիխ Մխիթարյանը խաղադաշտում հայտնվեց խաղի հենց սկզբից, բայց երկրորդ խաղակեսի 65-րդ րոպեին Մոուրինիոն նրան փոխարինեց Մարսիալով: Եթե մինչ այս փոփոխությունը Մխիթարյանը ակտիվություն էր մտցնում դաշտի տերերի խաղում, ապա հետո մանկունյանցիների խաղը ավելի խամրեց:

Իհարկե, Մխիթարյանն իր ամենալավ խաղը չխաղաց, բայց ամենալավն էր դաշտի տերերի կազմում, բայց չգիտես ինչու, Մոուրինիոն որոշեց փոխարինել հենց նրան:

Հարկ է նշել, որ արդեն 14-րդ րոպեին վնասվածք ստացավ եւ դաշտը լքեց Լուկակուն, որին փոխարինեց Ռեշվորդը, որը հայտնի է նրանով, որ երբեք Հենրիխ Մխիթարյանին փոխանցում չի կատարում:

Այսպիսով, երրորդ անընդմեջ ոչ ոքիից հետո «Մանչեսթեր յունայթեդն» արդեն երրորդն է՝ երկրորդ տեղը զիջելով «Չելսիին»:

Top-News.am