Ասանժի էջը Twitter-ից անհետացել է

WikiLeaks-ի հիմնադիր Ջուլիան Ասանժի էջը Twitter-ից անհետացել է, փոխանցում է «ՌԻԱ Նովոստի»-ն:

Երկուշաբթի Ասանժի միկրոբլոգը բացել փորձելիս սոցցանցում հաղորդվում է, որ այդ էջը գոյություն չունի: Օգտատերերը հարցեր են տալիս, սակայն սոցցանցի ներկայացուցիչներն առայժմ միջադեպը ոչ մի կերպ չեն մեկնաբանել:

2012 թվականից Ասանժը գտնվում է Լոնդոնում Էկվադորի դեսպանատանը. այդ ժամանակ նա Էկվադորի իշխանություններին էր դիմել քաղաքական ապաստան տրամադրելու խնդրանքով՝ վախենալով ԱՄՆ-ում Շվեդիայի իշխանություններին արտահանձնումից՝ կապված WikiLeaks-ում իր գործունեության հետ: Վերջին շրջանում Ասանժը աշխարհի հետ կապ էր պահպանում նաեւ Twitter-ի միջոցով, որտեղ պարբերաբար իր մեկնաբանություններն էր հրապարակում:

2006 թվականին Ասանժը հիմնադրել է WikiLeaks կայքը՝ տարբեր գաղտնի կամ ընդհանուր հասանելիության համար փակ հրապարակումների համար, որոնք բացահայտում են կոռուպցիան եւ չարաշահումները: Նախապես WikiLeaks-ի նպատակն էր Միջին Ասիայի երկրներում, Չինաստանում եւ Ռուսաստանում կոռուպցիայի մերկացումը, սակայն ավելի շատ ուշադրություն էր դարձվում նաեւ Արեւմուտքի երկրների կառավարությունների եւ կորպորացիաների գործունեության մերկացմանը: