Իրանը կշարունակի պայքարը մինչև «լիակատար հաղթանակ». Մոհամմադ Բաղեր Ղալիբաֆ

Իրանի խորհրդարանի խոսնակ Մոհամմադ Բաղեր Ղալիբաֆը հայտարարել է, որ իր երկիրը կշարունակի պայքարել այնքան ժամանակ, քանի դեռ չի խզվել, իր խոսքով, «պատերազմ-հրադադար-պատերազմ» շրջանը:

X-ի իր էջում «Իրանի հերոսական ազգին» ուղղված գրառման մեջ Ղալիբաֆը նշել է, որ վերջին 25 գիշերվա ընթացքում բնակչության մոբիլիզացիան և զոհերն Իրանի զինված ուժերում ստեղծել են, նրա խոսքով՝ «պատմական հաղթանակի» համար պայմաններ։ «Ոչ ոք չի կարող վերջնագրեր ներկայացնել Իրանին կամ իրանցի ժողովրդին»,- գրել է նա։ Ղալիբաֆը հավելել է, որ Իրանի ուժերը չեն կորցնի պատերազմի ստեղծած հնարավորությունը և կշարունակեն պայքարը մինչև «լիակատար հաղթանակ» ու «պատերազմ-հրադադար-պատերազմ» շրջանի ավարտը։