Ինտենսիվ տեղումներ, հեղեղի վտանգներ եւ Երեւանի ամենատաք ու ամենացուրտ մարտի 27-ը

Հիդրոօդերևութաբանության և մոնիտորինգի կենտրոնը հայտնում է, որ  հարավից ակտիվ ցիկլոնի ներթափանցմամբ պայմանավորված` մարտի 27-28-ը ժամանակ առ ժամանակ շրջանների մեծ մասում սպասվում են տեղումներ, լեռնային գոտիներում` թաց ձյան, նախալեռնային և հովտային գոտիներում` անձրևի տեսքով, առանձին շրջաններում ուղեկցվելով ցածր հորիզոնական տեսանելիությամբ և քամու ուժգնացմամբ՝ 14-17 մ/վ արագությամբ:

Մարտի 27-ին Սյունիքում և Վայոց ձորի առանձին հատվածներում, մարտի 27-28-ը՝ Լոռիում և Տավուշում տեղումները կլինեն ինտենսիվ։

Սպասվող տեղումներով պայմանավորված՝ մարտի 27-28-ը հանրապետության գետերում սպասվում է ջրի ելքերի մեծացում, Ողջի, Գորիսգետ, Մեղրիգետ, Արփա, Դեբեդ և Աղստև գետերի ավազաններում՝ զգալի։

Երեւանում ժամանակ առ ժամանակ սպասվում է անձրև։ Ցերեկը կլինի +10 +12, երեկոյան`+8 +10, գիշերը` +7 +9։

Մայրաքաղաքում ամենատաք հոկտեմբերի 27-ն արձանագրվել է 2018 թվականին` 23.5°C, իսկ ամենացուրտը` 1982 թվականին` - 6.5°C։