Սերբ վարսահարդարը Պուտինի դիմանկարն է պատկերում հաճախորդների վարսերը կտրելիս (տեսանյութ)

Սերբիայում վարսահարդար Մարիո Խվալան hair-tatoo ոճով հայտնի մարդկանց դիմանկարներ է պատկերում իր հաճախորդների գլուխներին:

Ինչպես հայտնում է Вести.ru-ն, գեղեցկության սրահի այցելուներից մեկը պատվիրել է Ռուսաստանի Դաշնության նախագահ Վլադիմիր Պուտինի դիմանկարը: Համացանցում հայտնվել է տեսանյութը, որում վարսահարդարը ցուցադրում է իր ինքնատիպ ստեղծագործությունը:

«Սերբերը սիրում են Ռուսաստանի նախագահին», - հայտարարել է ռուս ղեկավարի պատկերով «դաջվածքի» հեղինակը:

Տղամարդն աշխատում է մկրատներով և ածելիով՝ վարսերից այսպես կոչված՝ ժամանակավոր դաջվածքներ ստանալով: Նախ նա էսքիզ է ստեղծում աչքի մատիտով, այնուհետև զգուշորեն սափրում է հաճախորդի գլուխն՝ ըստ էսքիզի: Ամբողջ գործընթացը 5 ժամ է տևում:

Իր գործունեության ընթացքում սերբ վարսավիրը բազմաթիվ քաղաքական գործիչների, հայտնիների, մարզիկների և անգամ Հիսուս Քրիստոսի կերպարն է պատկերել: