Սպիտակ տունը Իրանից «խելամիտ» գործարք է ակնկալում

Սպիտակ տունը հայտարարել է, որ Իրանը «շատ իմաստուն» կգտնվի, եթե համաձայնի գործարքի ԱՄՆ-ի հետ՝ միջուկային ծրագրի շուրջ լարվածության աճի պայմաններում, գրում է BBC-ին։

Սպիտակ տան մամուլի քարտուղար Քերոլին Լևիթը մամուլի ասուլիսի ժամանակ նշել է, որ նախագահ Դոնալդ Թրամփը շարունակում է հույս ունենալ խնդրի դիվանագիտական լուծման վրա, սակայն Վաշինգտոնը միաժամանակ մեծացնում է իր ռազմական ներկայությունը տարածաշրջանում։

ԱՄՆ-ն արդեն երկրորդ ռազմանավն է ուղարկել Մերձավոր Արևելք։ Հայտարարությունը հնչել է Շվեյցարիայում կայացած ԱՄՆ-Իրան բանակցություններում որոշակի առաջընթաց արձանագրվելուց հետո։

Ամերիկյան լրատվամիջոցները հաղորդում են, որ Թրամփը խորհրդականների հետ քննարկել է հնարավոր ռազմական գործողությունների տարբերակները, և հարվածը կարող է տեղի ունենալ արդեն շաբաթ օրը։

Անցյալ տարի ամռանը ԱՄՆ զինված ուժերը հարվածներ էին հասցրել Իրանի երեք միջուկային օբյեկտներին։

Այս թեմայով «Կցանկանա՞ք կրկին փորձել ձեր բախտը»․ Իրանի ԱԳ նախարարը պատասխանել է Թրամփի սպառնալիքին ԱՄՆ-ն և Իրանը համաձայնության են եկել հրադադարի շուրջ Իրանի ԱԳՆ-ն պատժամիջոցների խստացման ԱՄՆ քաղաքականությունն անվանել է վտանգավոր «կախվածություն» ԱՄՆ-ի օդային հարվածների հետևանքով զոհվել է Իսլամական հեղափոխության պահապանների կորպուսի ութ զինծառայող Դոհայում ավարտվել են ԱՄՆ-ի և Իրանի միջնորդավորված բանակցությունները