Վրաստանը մայիսի 8-ը հայտարարել է Գինու ազգային օր

Վրաստանի կառավարությունը մայիսի 8-ը հայտարարել է Գինու ազգային օր, հայտնում է Georgia Online-ը։ Երկրի վարչապետ Իրակլի Կոբախիձեի ստորագրած № 339 հրամանագրում նշվում է, որ «Գինու ազգային օրը» կնշվի ամեն տարի մայիսի 8-ին։

«Երկրի ինքնությունը և նշանակալի մշակութային ժառանգությունը ներկայացնող վրացական գինին, նրա բազմադարյա պատմությունն ու դրա հետ կապված ավանդույթները ցուցադրելու նպատակով՝

ա) սահմանել «Գինու ազգային օր»,

բ) ամեն տարի մայիսի 8-ին նշել «Գինու ազգային օրը»», – ասված է հրամանագրում։