Սանկտ Պետերբուրգում առևանգել են գործարանի աշխատակցի Bentley-ն այն գնելու օրը

Սանկտ Պետերբուրգի 25-ամյա բնակիչը 13 տարվա Bentley մակնիշի ավտոմեքենա է ձեռք բերել և նույնիսկ չի հասցրել ձևակերպել ապահովագրությունը, երբ նույն օրն այն առևանգել են:

Ինչպես հայտնում է life.ru-ն, դեկտեմբերի 16-ի երեկոյան երիտասարդը տուն է վերադարձել իր նոր գնված ավտոմեքենայով: Գիշերվա ժամերին որոշել է ստուգել մեքենան, սակայն այն տեղում չգտնելով՝ անմիջապես դիմել է օրինապահ մարմիններին:

Նշվում է, որ տղամարդը չի կարողանա ապահովագրական փոխհատուցում ստանալ, քանի որ չի հասցրել լրացնել առևանգումից պաշտպանության հայտը: