Ավիահարվածներով և պատերազմով Իրանում ռեժիմի փոփոխություն չի լինի

Թուրքիայի արտաքին գործերի նախարար Հաքան Ֆիդանը հայտարարել է, որ Իրանում ռեժիմի փոփոխություն տեղի չի ունենա, եթե հանրապետության վրա հարձակում տեղի ունենա։ «Այո, այստեղ կա խնդրահարույց ոլորտ, բայց դա կապված չէ ռեժիմի փոփոխության հետ և չի հանգեցնի դրան, նույնիսկ, եթե այն հանգեցնի պատերազմի։ Ես չեմ ուզում ենթադրություններ անել Իրանի վերաբերյալ կոնկրետ սցենարների մասին, բայց ո՛չ ավիահարվածները, ո՛չ էլ որևէ այլ գործողություն չեն փոխի ռեժիմը։ Սա դատարկ պատրանք է», - CNN Türk-ի եթերում ասել է Ֆիդանը։

Ֆիդանն ընդգծել է, որ տարածաշրջանը չի կարողանա դիմակայել ևս մեկ պատերազմի։ «Մեր նախագահը չափազանց զգայուն է այս հարցում։ Հետևաբար, մենք ցանկանում ենք օգտագործել բոլոր հնարավոր միջոցները՝ հնարավոր պատերազմը կանխելու համար»,- ասել է նա։