Անկարան «կդառնա շատ կարեւոր գործընկեր» Բրյուսելի համար
Եվրամիությանը Թուրքիայի անդամակցության վերաբերյալ բանակցությունների վերսկսումն առայժմ չի մտնում ԵՄ օրակարգի մեջ։ Այս մասին հայտնել է ընդլայնման հարցերով եվրահանձնակատար Մարթա Կոսը Անկարա այցի նախօրեին։ «Իմ այցը Անկարա նպատակ ունի վերականգնել վստահությունը եւ գտնել մեր տնտեսական հարաբերությունները երկու կողմերի համար էլ ավելի շահավետ դարձնելու ուղիներ»,- ասել է նա եվրոպական Politico պարբերականին։ Եվրահանձնակատարն ավելացրել է, որ ԵՄ-ը պետք է «նորովի նայի իր հարաբերություններին» Թուրքիայի հետ, սակայն բանակցությունների վերսկսում նախատեսված չէ։
Կոսի խոսքով՝ այցի հիմնական նպատակը «Թուրքիայի հետ ամուր գործընկերության կառուցումն է»։ Նրա կարծիքով՝ «խաղաղությունն Ուկրաինայում կփոխի եվրոպական իրականությունը, հատկապես Սեւծովյան տարածաշրջանում», եւ, հետեւաբար, Անկարան «կդառնա շատ կարեւոր գործընկեր» Բրյուսելի համար։ Ավելին, Եվրահանձնաժողովը նախատեսում է ուրբաթ ներկայացնել Թուրքիայի, Կենտրոնական Եվրոպայի երկրների եւ Հարավային Կովկասի հետ «Միջտարածաշրջանային համագործակցության օրակարգի առաջխաղացումը» ուսումնասիրությունը։ Այն, ի թիվս այլ բաների, կուրվագծի տարածաշրջանների միջեւ տրանսպորտային եւ առեւտրային միջանցքների զարգացմանն անհրաժեշտ ներդրումները։
Թերթի հարցազրույցում ԵՄ-ում Թուրքիայի դեսպան Յափրակ Բալկանը հույս է հայտնել, որ երկրի եւ ԵՄ-ի միջեւ հարաբերությունները «կհիմնվեն ընդհանուր շահերի վրա»։ Նա նաեւ ընդգծել է, որ Թուրքիայի անդամակցությունը ԵՄ-ին մնում է այդ հարաբերությունների «ուղեցույց աստղը»։ Մյուս կողմից, Հունաստանը եւ Կիպրոսը դեմ են Թուրքիայի հետ հարաբերությունների կարգավորմանը՝ առանց Անկարայի կողմից որոշակի զիջումների։ ԵՄ պաշտոնյայի խոսքով՝ Կիպրոսը կողմ է, որ իր նավերը կարողանան մտնել թուրքական նավահանգիստներ։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Հայաստանը ծայրագավառ չի լինելու, և Բելառուսի կառավարման օրինակը իմ երկրի համար անընդունելի է. Ալեն Ս...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԱՄՆ-ի գործողությունները Հորմուզի նեղուցում փակուղի են. Արաղչի
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Կասեցվել է Արդենիս գյուղում գործող կաթնամթերքի արտադրամասի գործունեությունը․ ՍԱՏՄ
Ոչնչացվել է Nestle ընկերության NAN ապրանքանիշի մանկական սննդի որոշ խմբաքանակ. ՍԱՏՄ