Բուլինգի դեպքերի կանխարգելումն ու բացահայտումը ՆԳՆ Համայնքային ոստիկանության ուշադրության կենտրոնում (տեսանյութ)
Հոգեբանական ահաբեկչության, նվաստացումների, շանտաժի, ֆիզիկական ճնշումների շարունակաբար կիրառմամբ սեփական առավելությունն ընդգծելու ցանկությունը մասնագիտական ձևակերպմամբ բուլինգ է կոչվում. այն տարածված է հատկապես դպրոցահասակների շրջանում։ Անցած տարվա հոկտեմբերին օրենսդիրը ընդունեց «Երեխաների իրավունքների և երեխայի պաշտպանության համակարգի մասին» օրենքը․ առաջին անգամ տրվեց բուլինգի սահմանումը, որը բռնության տեսակ է, նաև ամրագրվեց՝ երեխայի նկատմամբ բուլինգն արգելված է։
Համայնքային ոստկանության անչափահասների հետ տարվող աշխատանքների գծով մեթոդական բաժնի պետ Արմինե Գյոզալյանի խոսքով՝ Ոստիկանությունը օպերատիվ արձագանքում է նման դեպքերին, ձեռնարկում կանխարգելիչ քայլեր: Հատկապես վերջին շրջանում ակտիվացել են բուլինգի դեպքերի մասին բարձրաձայնելը, ինչը համակարգի նկատմամբ վստահության, հանրային ընկալման փոփոխության մասին է։
Երևանի 177 հիմնական դպրոցի տնօրենի ժամանակավոր պաշտոնակատար Էվելինա Մանգասարյանը պատմում է, որ հազարից ավելի աշակերտ ունեցող դպրոցում եղել են բուլինգի դեպքեր, և Համայնքային ոստիկանության հետ համագործակցված աշխատանքի արդյունքում խնդիրը հարթվել է: Նա վստահեցնում է, որ համայնքային ոստիկանի պարբերաբար այցերն ու աշակերտների հետ զրույցները զգոնության ազդակ են և կանխարգելման տեսանկյունից որոշիչ նշանակություն ունեն։
Դպրոցի հոգեբան Քրիստինե Ալեքսանյանն իր պրակտիկայում բազմաթիվ նման դեպքերի է առնչվել․ ասում է՝ ոչ միայն պետք է աշխատել բուլինգի ենթարկված անչափահասի, այլ նաև բուլինգի ենթարկողի՝ բուլերի հետ։ Երեխայի լավագույն շահերը պահանջում են, որ բուլինգի մասին բարձրաձայնեն, ոչ թե թաքցնեն, հատկապես, որ օրենքը թույլ է տալիս գաղտնի պահել տուժողի անունը։
Բուլինգի վաղ հայտնաբերումն ու կանխումը, աջակցող միջավայրն ու հոգատար վերաբերմունքը կարող են վերականգնել երեխայի կորցրած վստահությունը: Պետք է հիշել, որ բուլինգի բոլոր դրսևորումները քրեորեն պատժելի են։
ՆԳՆ ոստիկանությունը շարունակելու է բացահայտել բուլինգի ցանկացած դեպք, իրականացնել իրազեկման աշխատանքներ՝ ապահովելով առավել անվտանգ միջավայր ձեր և ձեր երեխաների համար։
ՆԳՆ ոստիկանությունը հորդորում է զերծ մնալ երեխաների հուզական վիճակը խաթարող տեսանյութեր հրապարակելու...
Երեւանում դպրոցներից մեկի ֆիզկուլտուրայի դահլիճում 11-ամյա երեխաները հրել և վայր են գցել համադասարան...
Իրանում մի քանի քաղաքական գործիչների են ձերբակալել՝ հունվարին բողոքի ակցիաների մասնակիցներին սատարել...
«Հանրամեդիա»․ Լրագրողների մի մասն ունի անպատժելիության կեղծ զգացողություն (տեսանյութ)
Մենք ունենք հարաբերությունների նույն մակարդակը, ինչ նախորդ տարիներին, ինչը ցավալի է
ԱՄՆ փոխնախագահը փետրվարի 9-10-ը պաշտոնական այցով կլինի Հայաստանում
Տեղի է ունեցել ՀՀ վարչապետի և ԱՄՆ փոխնախագահի ընդլայնված կազմով հանդիպումը (տեսանյութ)
Թուրքիայում արագացրել են Հայաստանի հետ սահմանային անցակետի բացման աշխատանքները
Անցած տարվա ընթացքում Հեռուստատեսության և ռադիոյի հանձնաժողովը հարուցել է 84 վարչական վարույթ
Մեր հայրենակիցների սոցիալական աջակցության ծրագրերը շարունակվում և ընդլայնվում են