Իրանական ԱԹՍ-ն հետախուզում է անցկացրել Արաբական ծովում ԱՄՆ-ի ռազմածովային ուժերի ավիակրի գտնվելու վայրում
Իրանական հետախուզական անօդաչու թռչող սարքը փետրվարի 2-ին թռիչք է իրականացրել Օմանի ափերի մոտ՝ ԱՄՆ-ի ռազմածովային ուժերի «Աբրահամ Լինքոլն» ավիակրի հնարավոր գտնվելու վայրից ոչ հեռու: Ինչպես տեղեկանում է «Ինտերֆաքս» գործակալությունից, այդ մասին վկայում են Flightradar24 ավիացիոն ռեսուրսի տվյալները։ Փետրվարի 2-ին գրանցվել էր, որ այս շրջանից Օման թռիչք է կատարել CMV-22B Osprey տրանսպորտային կոնվերտոպլանը, որը մշտապես տեղակայված է ավիակրի վրա: Մերձավոր Արևելքում ԱՄՆ-ի զինված ուժերի կենտրոնական հրամանատարությունը (CENTCOM) դեռևս չի մեկնաբանել իրավիճակը։
Անցած հանգստյան օրերին CENTCOM-ը զգուշացրել էր Իրանի զինված ուժերին, որ չի հանդուրժի այնպիսի վտանգավոր մանևրներ, ինչպիսիք են ԱՄՆ-ի ռազմանավերի վերևում թռիչքները կամ դրանց մոտեցող արագընթաց կատերները։ «Ցանկացած անվտանգ և ոչ պրոֆեսիոնալ վարքագիծ…. ամերիկյան զորքերի մերձակայքում մեծացնում է բախումների, էսկալացման և ապակայունացման ռիսկը», - նշվել է հրամանատարության հայտարարության մեջ։
CENTCOM-ի տվյալներով՝ ներկայում ամերիկյան «Աբրահամ Լինքոլն» ավիակիրը «առօրյա թռիչքային գործողություններ» է իրականացնում Արաբական ծովի շրջանում։ Դրա վրա տեղակայված են F/A-18E Super Hornet կործանիչների երեք էսկադրիլիա և հինգերորդ սերնդի F-35C Lightning II կործանիչների մեկ էսկադրիլիա։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Արսեն Զախարյանի տրանսֆերային արժեքն աճել է
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Եվրամիությունը չի հասկանում Իրանում պատերազմի նպատակները. Կալաս