Պարսից ծոցում, փոխադարձ սպառնալիքներ ու զգուշացումներ․ ԱՄՆ-Իրան առճակատումը չի թուլանում

Փոխադարձ սպառնալիքներից հետո Միացյալ Նահանգներն ու Իրանը խոսում են բանակցությունների հնարավորության մասին։ ԱՄՆ նախագահ Դոնալդ Թրամփը հայտարարել է, որ հույս ունի համաձայնության հասնելու Թեհրանի հետ։ Թրամփն այս մասին ասել է այն բանից հետո, երբ Իրանի գերագույն առաջնորդ Ալի Խամենեին հայտարարել է, որ ԱՄՆ-ի հնարավոր հարձակումն Իրանի վրա կարող է լայնամասշտաբ հակամարտության հանգեցնել, որի մեջ ներգրավված կլինի ողջ տարածաշրջանը։

Վերջին օրերի միջազգային լրահոսը ողողված է Իրանի ափերին ամերիկյան ռազմանավերի մոտենալու մասին լուրերով։ Ընդ որում՝ դրանք ուղեկցվում են փոխադարձ սպառնալիքների ու զգուշացումների հիշատակումներով։

Թեհրանը մի քանի օր առաջ տեղեկացրեց, որ փետրվարի 1-ից ռազմածովային ուժերի զորավարժություններ է ծրագրում Հորմուզի նեղուցում։ Ավելի վաղ լուրեր տարածվեցին, որ Հորմուզի նեղուցում և Օմանի ծոցում Իրան-Ռուսաստան-Չինաստան համատեղ զորավարժություններ են ծրագրվում։ 

Իրանի արտգործնախարարության խոսնակ Էսմայիլ Բաղային հայտարարել է, որ Իրանը կարևոր դեր ունի Պարսից ծոցի և Հորմուզի նեղուցի անվտանգության ու կայունության ապահովման գործում, և որ այդ զորավարժությունները պարբերական են և անցկացվում են ամեն տարի՝ ըստ հաստատված ժամանակացույցի։ Նա վստահեցրել է, որ վարժանքների հիմնական նպատակը երկրի պաշտպանական կարողությունների ամրապնդումն է և զինված ուժերի պատրաստվածության բարձրացումը։

Իրանի ԱԳՆ խոսնակը պարզաբանել է, որ զորավարժությունները ուղղված չեն որևէ երկրի դեմ և արվում են ազգային անվտանգության համար։

Այս թեմայով Փեզեշքիան. Իրանը խրախուսական ազդանշաններ է ստացել Ժնևում ԱՄՆ-ի հետ բանակցություններից հետո Թրամփը դիտարկում է նպատակային հшրված Իրանին, որին կհաջորդի ավելի լшյնածավալ հшրձակում Իրանը կոչ է անում ՄԱԿ-ի Անվտանգության խորհրդին դատապարտել ԱՄՆ-ի կողմից ուժի կիրառման սպառնալիքները Թրամփի հատուկ բանագնացը գաղտնի հանդիպել է Իրանի՝ գահընկեց արված շահի որդու հետ Թրամփի վարչակազմը եվրոպական երկրներից հետախուզական տվյալներ է խնդրել Իրանում հնարավոր հարվшծների համար