Իրանը հրապարակել է բողոքի ցույցերի ժամանակ զnհված գրեթե 3000 մարդու անուն

Իրանի նախագահ Մասուդ Փեզեշքիանի հանձնարարությամբ՝ հրապարակվել է Իսլամական Հանրապետությունում վերջերս տեղի ունեցած բողոքի ցույցերի և անկարգությունների ժամանակ զոհված և ինքնությունը պարզ դարձած 2986 անձանց անունները, հայտնում է «Արմենպրես»-ը՝ վկայակոչելով Իրանի նախագահի գրասենյակին։

«Հիմնվելով թափանցիկության, պատասխանատվության և հաշվետվողականության քաղաքականության վրա՝ նախագահ Փեզեշքիանի հանձնարարականով հրապարակվել է վերջին միջադեպերի ժամանակ զոհված 2,986 անձանց ցուցակը»,- նշվում է նախագահի աշխատակազմի տարածած հայտարարության մեջ։

Նշվում է նաև, որ վերջին միջադեպերի զոհերի ընդհանուր թիվը, ինչպես նախկինում հաղորդվել էր, 3117 է, սակայն 131 անձի ինքնությունը դեռևս չի պարզվել։