Վա՜յ, հունվարի կեսին ձյուն է գալիս, ո՞նց կարող էր այդպես լինել. Դանիել Իոաննիսյան
Հաշվի առնելով եղանակային անբարենպաստ պայմանները՝ հանրային տրանսպորտի որոշ երթուղիներում հնարավոր են ուշացումներ: Այս մասին հայտարարություն է տարածել Երևանի քաղաքապետարանը։
«Անհարմարությունների համար հայցում ենք ուղևորների ներողամտությունը»,–ասված է հայտարարությունում։
Նշենք, որ մի քանի ժամ տեղացած թույլ ձյունը Երևանում կաթվածահար է արել երթևեկությունը։ Սոցիալական ցանցերի օգտատերերը քննադատում են քաղաքային իշխանություններին ցուցաբերած անգործության՝ փողոցները չմաքրելու համար, ինչը հանգեցրել է 10 բալանոց խցանումների։
«Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը ևս անդրադարձել է խնդրին՝ նշելով, որ քաղաքի կենտրոնական և ծանրաբեռնված փողոցներում ավտոմեքենաների շարժը գրեթե կաթվածահար է. «Ես ուզում եմ հասկանամ՝ այս քաղաքի կոմունալ ծառայությունների համար հունվարի կեսին ձյուն գալը անակնկա՞լ էր։ Վա՜յ, հունվարի կեսին ձյուն է գալիս, ո՞նց կարող էր այդպես լինել։ Հիմա Բաղրամյան պողոտայում եմ, հոսքը գնում է հետիոտնի արագությամբ, և որևէ էական մաքրման կամ աղ ու ավազով մշակման հետք անգամ չեմ տեսնում։ Նույն պատկերն է նաև քաղաքի այլ հատվածներում։ Եղանակի տեսությունն էլ տվել էր, որ ցերեկը ձյուն է գալու։ Դժվա՞ր էր ինչ-որ բան նախապես անել»,– նշել է նա։
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
Մենք միանգամայն արժանիորեն դուրս եկանք հաջորդ փուլ
Ուրումչիի մշակութային ուղին. Գրանդ բազար
Մահացել է աշխարհի չեմպիոն և «Միլանի» լեգենդ Ֆրանկո Բարեզին
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Կարլոս Էսպին պայմանագիր է կնքել «Ռեալ Մադրիդի» հետ
ԱՄՆ պետքարտուղարությունը դեմ է Թուրքիային F-35 կործանիչների վաճառքին. Fox News
Երևանի Կենտրոնում պետության սեփականության իրավունքն է վերականգնվել 51,9 քմ նկուղային տարածքի և հողամ...
Մյունխենի կենտրոնում կառուցվել է փայտից պատրաստված հնգահարկ մանկապարտեզ
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից