TRIPP նախագծի շրջանակում մենք նոր տրանսպորտային միջանցք կստեղծենք. Ալիև
«TRIPP նախագծի շրջանակում մենք նոր տրանսպորտային միջանցք կստեղծենք»։ Դրա մասին Դավոսում հայտարարել է Ադրբեջանի նախագահ Իլհամ Ալիևը, հաղորդում է APA-ն։ Ըստ Ալիևի՝ «Ադրբեջանի և եղբայրական Թուրքիայի միջև շատ սերտ դաշնակցային հարաբերություններ են կառուցվել»։
«TRIPP նախագծի շրջանակում մենք նոր տրանսպորտային միջանցք կստեղծենք՝ Ասիայից Կասպից ծովով, Ադրբեջանով, Հայաստանով, Նախիջևանով (վերջինն Ադրբեջանի մաս է կազմում), Թուրքիայով և Վրաստանով անցնող առկա երթուղիներին զուգահեռ։ Հետևաբար, որքան շատ երթուղիներ լինեն, այնքան լավ սպառողների, մատակարարների և տարանցիկ երկրների համար։ Հետևաբար, որպես պետություն, մենք միշտ ուշադրություն ենք դարձնում տարածաշրջանային օրակարգին»,- ասել է Ալիևը։
Նա նշել է նաև, որ Հայաստանի և Ադրբեջանի, ինչպես նաև Թուրքիայի և Հայաստանի միջև զուգահեռ կարգավորման գործընթացները անխուսափելիորեն կհանգեցնեն Թուրքիայի և Հայաստանի, ինչպես նաև Ադրբեջանի և Հայաստանի միջև դիվանագիտական հարաբերությունների հաստատմանը։
«Դա անելով՝ մենք միաժամանակ փոխում ենք մի հսկայական աշխարհագրական տարածք՝ Եվրասիայի մի մասը։ Դա խիստ կարևոր է հաղորդակցության, էներգետիկ անվտանգության, խաղաղության և կայունության համար և ցույց է տալիս, թե ինչպես կարող են երկարատև պատերազմներն ու հակամարտությունները վերածվել գործընկերության և համագործակցության»,- հավելել է նա։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Արսեն Զախարյանի տրանսֆերային արժեքն աճել է
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Եվրամիությունը չի հասկանում Իրանում պատերազմի նպատակները. Կալաս