Լավրովը Մակրոնին հիշեցրել է Նապոլեոնին ու Հիտլերին՝ խոսելով Ռուսաստանի պատմության մասին
Ֆրանսիայի նախագահ Էմանուել Մակրոնը պետք է հիշի պատմությունը և չմոռանա Նապոլեոնին ու Հիտլերին, որոնք փորձել են նվաճել Ռուսաստանը, հայտարարել է Ռուսաստանի արտաքին գործերի նախարար Սերգեյ Լավրովը։ Նա հիշեցրել է ֆրանսիացի առաջնորդի այն հայտարարությունները, որոնք վերջինս արել էր անցյալ տարվա նոյեմբերին՝ Ուկրաինայի նախագահ Վլադիմիր Զելենսկու հետ հանդիպումից հետո։ Այդ ժամանակ Մակրոնը նշել էր, որ Ռուսաստանը «ինքն է ընտրել պատերազմի ուղին» և որ Մոսկվան «չի կարող հաշտվել իր պատմության հետ»։
Լավրովի խոսքով՝ «եթե որևէ մեկը չի կարողանում հիշել Ռուսաստանի պատմությունը, ապա դա հենց ֆրանսիացիներն են»։ Նա հավելել է, որ պատմությունը չի սահմանափակվում Էստոնիայի վարչապետ Կայա Կալասի այն պնդումներով, թե վերջին հարյուր տարվա ընթացքում Ռուսաստանը սանձազերծել է 19 պատերազմ։ «Պատմությունը այն մասին է, թե ինչպես՝ սկսած Նապոլեոնից և շարունակելով Հիտլերով, գրեթե ամբողջ Եվրոպան մոբիլիզացվել է՝ Ռուսաստանին հաղթելու և ոչնչացնելու նպատակով։ Այստեղից է սկսվում պատմությունը, և սա այն է, ինչի հետ մեր ժողովուրդը երբեք չի զիջի», – ասել է Լավրովը։
Նա այս հայտարարությունն արել է 2025 թվականին Ռուսաստանի դիվանագիտական գործունեության արդյունքներին նվիրված մամուլի ասուլիսի ընթացքում։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Արսեն Զախարյանի տրանսֆերային արժեքն աճել է
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Եվրամիությունը չի հասկանում Իրանում պատերազմի նպատակները. Կալաս