Շվեյցարիայում հայտնաբերվել է մոտ 2000 տարվա հռոմեական համալիր

Գիտնականները կարևոր հնագիտական ​​հայտնագործություն են կատարել Շվեյցարիայի կենտրոնական մասում՝ Ցուգ կանտոնում. Խամ-Օբերվիլ գյուղի խճաքարի հանքում հայտնաբերվել է մոտ 2000 տարեկան լավ պահպանված հռոմեական քարե պատ, հաղորդում է Popular Mechanics-ը։

Այս պատը զբաղեցնում է առնվազն 500 քառակուսի մետր տարածք և հին հռոմեական շենքերի ավելի մեծ համալիրի՝ հնարավոր է՝ առանձնատան կամ տաճարի մաս է կազմում, որը գտնվում է բլրի վրա՝ գեղատեսիլ տեսարանով։

Պատից բացի, հնագետները հայտնաբերել են բազմաթիվ արտեֆակտներ, այդ թվում՝ երկաթե մեխեր, խոհանոցային պարագաներ, ապակե անոթներ, ամֆորաներ և մետաղադրամներ։ Գտածոների թվում է Հուլիոս Կեսարի ժամանակներից մի դինար, որը վկայում է այս տարածքի բնակիչների զարգացած առևտրային կապերի և բարգավաճ կենսակերպի մասին։

Հետազոտողները նշում են, որ այս վայրում այլ բնակավայրեր գոյություն են ունեցել նույնիսկ հռոմեական ժամանակաշրջանից առաջ. կան բրոնզի դարի հետքեր և կելտերի հետ կապված գտածոներ։

Պեղումները շարունակվում են, և գիտնականները հույս ունեն, որ հետագա հետազոտությունները կօգնեն ավելի լավ հասկանալ հռոմեական ներկայության մասշտաբները և այն մարդկանց կենսակերպը, ովքեր ապրել են Եվրոպայի այս հատվածում գրեթե 2000 տարի առաջ։